71915

विज्ञान परिषदेसाठी
डॉ. पाटील यांना संधी
सावंतवाडी, ता. २० ः श्री पंचम खेमराज महाविद्यालयामधील भौतिकशास्त्र विभागातील प्राध्यापक डॉ. एस. व्ही. पाटील यांची दक्षिण कोरिया येथे होणाऱ्या आंतरराष्ट्रीय विज्ञान परिषदेसाठी निवड झालेली आहे.
''कॅडमियम हायड्रॉक्साइड ः विविध सीडी-आधारित मटेरियल्ससाठी एक बलिदानाचा साचा'' (आयडी ः एएमएससीए-१६३) शीर्षकाचा सारांश प्रगत मटेरियल्स संश्लेषण, वैशिष्ट्यिकरण आणि अनुप्रयोगांवरील पाचव्या आंतरराष्ट्रीय परिषदेत (एएमएससीए-२०२५) तोंडी सादरीकरणासाठी त्यांची निवड झालेली आहे. ही विज्ञान परिषद सुंगक्युंकवान विद्यापीठ (एसकेकेयू), सुवोन, दक्षिण कोरिया येथे २५ ते २७ जून दरम्यान आयोजित करण्यात आली आहे. या आंतरराष्र्टीय परिषदेमध्ये रीसर्च पेपर सादरिकरण व ज्ञान आणि कल्पनांची देवाणघेवाण करण्याची संधी त्यांना मिळणार आहे. त्यांच्या या यशाबद्दल सिंधुदुर्ग जिल्हा शिक्षण प्रसारक मंडळाचे अध्यक्ष राजेसाहेब श्रीमंत खेमसावंत भोसले ,राणीसाहेब सौ. शुभदादेवी भोसले, कार्यकारी विश्वस्त युवराज लखमसावंत भोसले संस्थेचे सर्व पदाधिकारी व महाविद्यालयाचे प्राचार्य डॉ. डी. एल. भारमल यांनी अभिनंदन केले.