72292

‘गिअर अप’तर्फे योग शिबिरे
कुडाळ ः आजच्या धकाधकीच्या जीवनात योगा अत्यावश्यक आहे. दिवसातून किमान एक तास तरी प्रत्येकाने आपल्या आरोग्यासाठी द्यावा, असे प्रतिपादन कुडाळ पोलिस ठाण्याचे वाहतूक विभाग अधिकारी श्याम भगत यांनी केले. गिअर अप जिमतर्फे पिंगुळी येथे आयोजित योग शिबिरात ते बोलत होते. पिंगुळी येथील गिअर अप जिम आणि कुडाळ येथील सिंधुरत्न प्रबोधिनी संचलित गिअर अप अँड वेलनेस सेंटरच्या वतीने जागतिक योग दिनानिमित्त मार्गदर्शन आणि योग प्रात्यक्षिकांचे आयोजन दोन्ही ठिकाणी करण्यात आले. सिंधुरत्न प्रबोधिनीचे संस्थापक अध्यक्ष हेमंत जाधव, गिअर अप जिमचे संचालक साईराज जाधव, अनुप्रिया जाधव, मार्गदर्शक डॉ. श्रुती सामंत, स्नेहा पावसकर, अनुष्का रेवंडकर, अर्चना गोरे, शिल्पा शिरसाट, पंकज गावडे, ज्ञानेश्वर आळवे, दर्शन मयेकर आदी उपस्थित होते.