72499

माड्याचीवाडी प्रशालेत वृक्षारोपण
कुडाळ, ता. २३ ः एस. के. पाटील शिक्षण प्रसारक मंडळ पाट संचलित नेरूर माड्याचीवाडी प्रशालेत मुख्याध्यापक अनंत सामंत यांच्या उपस्थितीत विद्यार्थांच्या हस्ते शाळा परिसरात वृक्षारोपण करण्यात आले. या उपक्रमात आठवीच्या ३६ विद्यार्थ्यांनी सहभाग घेतला.
सुरुवातीला सर्वांना वृक्षारोपणाचे महत्त्व समजून सांगितले. तसेच स्वतःच्या घरच्या परिसरात वृक्षारोपण करण्यासाठी आवाहन करण्यात आले. यावेळी गावातील काही ग्रामस्थ तसेच प्रशालेतील सर्व शिक्षक व शिक्षेतर कर्मचारी उपस्थित होते. या अभिनव उपक्रमाचे संस्था पदाधिकाऱ्यांनी कौतुक केले.
-----------------
72501

‘समता प्रेरणाभूमी’तर्फे
तिघा मान्यवरांचा सत्कार
सावंतवाडी, ता. २३ ः येथील समता प्रेरणाभूमी संवर्धन समितीतर्फे रविवारी (ता.२२) तीन पदाधिकाऱ्यांचा सत्कार करण्यात आला. समता प्रेरणाभूमीची मासिक सभा काल अध्यक्ष दीपक पडेलकर यांच्या अध्यक्षतेखाली घेण्यात आली.
या बैठकीत विविध विषयावर चर्चा करून संस्थेच्या प्रगतीसाठी विविध उपक्रम राबविण्याचा संकल्प करण्यात आला. जिल्हा बँकेच्या सर व्यवस्थापक पदावरून निवृत्त झाल्याने प्रेरणाभूमीचे अध्यक्ष पडेलकर, आजगाव केंद्र शाळेच्या उच्च श्रेणी मुख्याध्यापक पदावरून निवृत्त झाल्याने ममता जाधव तर वैभववाडी कृषी विस्तार अधिकारी पदावर बढती मिळाल्याने कांता जाधव या तिघांचा सामुदायिक सत्कार केला. यावेळी कार्याध्यक्ष अंकुश कदम, उपाध्यक्ष भावना कदम, सचिव मोहन जाधव, कार्यकारिणी सदस्य वासुदेव जाधव, रश्मी पडेलकर व मान्यवर उपस्थित होते. मोहन जाधव यांनी स्वागत केले. कांता जाधव यांनी आभार मानले.