-rat२३p२७.jpg ः
25N72577
भिंगळोली ः राष्ट्रवादीच्या मेळाव्यात बोलताना तालुकाध्यक्ष मुझफ्फर मुकादम. शेजारी भाई पोस्टुरे, रमेश दळवी व अन्य.
-------
स्थानिक संस्थांच्या निवडणुकीला सज्ज रहा
मुझ्झफर मुकादम ः मंडणगडात राष्ट्रवादीचा कार्यकर्ता मेळावा
सकाळ वृत्तसेवा
मंडणगड, ता.२३ ः स्थानिक स्वराज्य संस्थांचे येऊ घातलेल्या निवडणुका या कार्यकर्त्यांच्या निवडणुका असल्याने जनसामान्यात संपर्क असणाऱ्याना संधी देत त्यांना निवडून आणण्यासाठी पक्ष काम करणार आहे. त्यामुळे कार्यकर्त्यांनी कामास लागावे, असे प्रतिपादन राष्ट्रवादी काँग्रेस पार्टीचे तालुकाध्यक्ष मुझफ्फर मुकादम यांनी केले.
२२ जूनला पार्टीच्यावतीने भिंगळोली येथील श्रीकृष्ण सभागृहात आयोजित कार्यकर्ता मेळाव्यात ते बोलत होते. या कार्यक्रमास पक्षाचे ज्येष्ठ नेते भाई पोस्टुरे, प्रकाश शिगवण, रमेश दळवी, फैरोज उकये, सुभाष सापटे, राकेश साळुंखे, वैभव कोकाटे, सतीश दिवेकर, अंजली बैकर, रेश्मा मर्चंडे, नीलेश जाधव, हसरत खोपटकर, हेमंत सालदुरकर, भाई मालुगणकर, सुभाष शिगवण, दिनेश हुंबरे यांच्यासह तालुक्यातील पार्टीचे कार्यकर्ते मोठ्या संख्येने हजर होते. या वेळी मुकादम म्हणाले, कार्यकर्त्यांच्या बळावरावर पक्ष मोठा होतो, सत्तेत जातो त्यातून सर्वसामान्यांची विकासकामे केली जातात. त्यामुळे नेतृत्तावर विश्वास ठेवून कार्यकर्त्यांनी विद्यमान राजकीय परिस्थितीचे आकलन करत कामास लागावे. पक्ष महायुतीच्या माध्यमातून राज्यात सत्तेत आहे व त्या माध्यमातून तालुक्यातील कार्यकर्त्यांनी सुचित केल्यानुसार विकासकामे गावागावात पोहचवली आहेत; मात्र प्रशासकीय यंत्रणा आपले अस्तित्व नाकारत असेल तर कार्यकर्त्यांनी उभे राहून आपले अस्तित्व दाखवून द्यावे. स्थानिक स्वराज्य संस्थांचे निवडणुका महायुती माध्यमातून अथवा स्वतंत्र याचा निर्णय नेतृत्व घेईल. त्या निर्णयाचे स्वागत करून कामास लागा.