73781

हुंबरटमध्ये जनावरांना ‘लाळ्या-खुरकुत’ची लस
तळेरे, ता. २८ : डॉ. बाळासाहेब सावंत कोकण कृषी विद्यापीठ दापोली संलग्न ब्राह्मणेश्वर शैक्षणिक सामाजिक उन्नती मंडळ अंतर्गत (कै.) राजाराम मराठे कृषी महाविद्यालय फोंडाघाट येथील कृषी पदवीच्या अंतिम वर्षातील कृषिदूतांच्या वतीने हुंबरट येथे जनावरांसाठी लसीकरण शिबिर आयोजित करण्यात आले. जनावरांना लाळ्या-खुरकुत रोगाची लस देण्यात आली.
ग्रामीण कृषी जागरूकता व कृषी औद्योगिक कार्यानुभव कार्यक्रमात हे शिबिर घेतले. या लसीकरण मोहिमेत पशुवैद्यकीय अधिकारी डॉ. राम वजीर यांनी पावसाळ्यात जनावरांच्या विविध आजारांच्या प्रादुर्भाव कसा टाळावा, या विषयी शेतकऱ्यांना मार्गदर्शन केले. शिबिर यशस्वी होण्यासाठी सरपंच मनीषा गुरव आणि उपसरपंच संदीप होळकर तसेच शेतकऱ्यांचे विशेष सहकार्य मिळाले. या शिबिरामध्ये सुमेधबोधी गोंगले, चेतन गाडे, प्रतीक लोखंडे, राहुल डिगे, जितेंद्र पावरा, हर्षद गायकवाड, स्वराज लामखडे, अनिल काकड, तेजस तिकुटे या कृषिदूतांनी कार्यक्रम पार पाडला. महाविद्यालयाचे प्राचार्य श्री. संते व कार्यक्रम समन्वयक मोटे यांचे मार्गदर्शन लाभले.