79505

सिंधुदुर्ग जिल्हा बँकेला मेहता पुरस्कार

मुंबईत वितरण; सहकार क्षेत्रातील योगदानाची दखल

ओरोस, ता. २३ ः महाराष्ट्र राज्यात अग्रगण्य जिल्हा बँक म्हणून ओळखल्या जाणाऱ्या सिंधुदुर्ग जिल्हा मध्यवर्ती सहकारी बँकेला कोकण विभागातून २०२३-२४ साठीचा (कै.) वैकुंठभाई मेहता उत्कृष्ट सहकारी बँक पुरस्कार महाराष्ट्र राज्य सहकारी बँक असोसिएशन यांच्यावतीने प्रदान करण्यात आला. (कै.) वैकुंठभाई मेहता यांचे सहकार क्षेत्रासाठीचे योगदान महत्त्वपूर्ण असल्याने त्यांच्या नावाने हा पुरस्कार दिला जातो.
महाराष्ट्र राज्याचे गृह निर्माण, शालेय शिक्षण, सहकार राज्यमंत्री डॉ. पंकज भोयर व कोकण विभागाचे विभागीय आयुक्त डॉ. सूर्यवंशी यांच्या प्रमुख उपस्थितीत हा सोहळा आज मुंबई येथील यशवंतराव चव्हाण सेंटर येथे झाला. महाराष्ट्र राज्य सहकारी बँक असोसिएशनने हा पुरस्कार प्रदान केला. पुरस्कार स्विकारण्यासाठी जिल्हा बँकेचे अध्यक्ष मनिष दळवी, उपाध्यक्ष अतुल काळसेकर, संचालक सर्वश्री गणपत देसाई, रवींद्र मडगांवकर, समीर सावंत, नीता राणे, प्रज्ञा ढवण, मुख्य कार्यकारी अधिकारी प्रमोद गावडे आदी उपस्थित होते.
पालकमंत्री नीतेश राणे व भाजप प्रदेशाध्यक्ष आमदार रवींद्र चव्हाण यांनी बँकेचे अभिनंदन केले.
------------
कोट
जिल्हा बँकेच्या पारदर्शक कारभारामुळे जिल्हावासीयांच्या मनात एक विश्वासाचे नाते तयार झाले आहे. जिल्ह्याच्या विकासात बँकेचा मोलाचा वाटा आहे. बँकेच्या या यशस्वी वाटचालीमध्ये सभासद संस्था, संचालक, अधिकारी, कर्मचाऱ्यांचा वाटा असून कर्जदार, ठेवीदार, ग्राहकांचा बँकेवर असलेला अतूट विश्वास त्यामुळे बँकेची नियमित आर्थिक प्रगती होत आहे.
- मनिष दळवी, जिल्हा बँक अध्यक्ष