79391
‘बॅ. नाथ पै सेवांगण’चे यश
ओरोस ः बॅ. नाथ पै सेवांगण यांच्यावतीने मालवण व कट्टा येथे मोफत शिष्यवृती वर्ग आणि एनएमएमएस वर्ग चालवला जातो. या वर्गातील १७ विद्यार्थी गुणवत्ता यादीत झळकले. यातील मालवण केंद्रातील ८ वी एनएमएमएस वर्गातील एकता तांडेल, विघ्नेश मेस्त्री, पायल पेंडूरकर, प्रथमेश चव्हाण एवढे विद्यार्थी गुणवत्ता यादीत आले. कट्टा केंद्रातील ८ वी एनएमएमएसमधून पलक महाभोज, ओंकार रोहिलकर, कार्तिक पाताडे, मयुर चव्हाण, वैष्णवी गोळवणकर आणि ५ वी शिष्यवृतीमधून मधुर पेंडूरकर, गिरीजा नाईक तसेच ८ वी शिष्यवृतीमध्ये पलक महाभोज या विद्यार्थ्यांनी गुणवत्ता यादीत प्रावीण्य मिळविले. अध्यक्ष देवदत परूळेकर, कार्याध्यक्ष किशोर शिरोडकर, कार्यवाह लक्ष्मीकांत खोबरेकर, कोषाध्यक्ष शैलेश खांडाळेकर, शिष्यवृती विभाग प्रमुख ज्योती तोरसकर, दीपक भोगटे, मार्गदर्शक मनाली वेंगुर्लेकर, मनोज काळसेकर यांनी अभिनंदन केले आहे.
---
79387
पिंगुळी उपसरपंच मस्के यांचा सत्कार
कुडाळ ः पिंगुळी उपसरपंचपदी भाजपचे मंगेश मस्के यांची बिनविरोध निवड झाली. त्यांच्या निवडीबद्दल भाजप जिल्हाध्यक्ष प्रभाकर सावंत यांच्या हस्ते त्यांचे अभिनंदन करण्यात आले. जिल्हा सरचिटणीस रणजित देसाई, प्रदेश कार्यकारिणी सदस्य संध्या तेरसे, मंडल अध्यक्ष संजय वेंगुर्लेकर, महिला मोर्चा अध्यक्षा आरती पाटील, पिंगुळी सरपंच अजय आकेरकर, युवा मोर्चा अध्यक्ष रुपेश कानडे, जिल्हा कार्यकारिणी सदस्य मोहन सावंत, माजी नगरसेवक सुनील बांदेकर आदी उपस्थित होते.