80270

मिस्त्री हायस्कूलमध्ये
वक्कृत्व स्पर्धा
रत्नागिरी, ता. २८ ः लोकमान्य टिळक पुण्यतिथीनिमित्त मिस्त्री हायस्कूलमध्ये आयोजित केलेल्या वक्तृत्व स्पर्धेत प्राथमिक सादिया खान तर उच्च प्राथमिक गटात सौबान मुईन सय्यद यांने प्रथम क्रमांक पटकावला.
कार्यक्रमाला मुख्याध्यापिका मुनव्वर तांबोळी, पर्यवेक्षक मुश्ताक आगा, इम्दादिया संस्थेचे सहसचिव शकील मजगांवकर, शिक्षिका मुमताज काझी उपस्थित होते.कार्यक्रमाची सुरुवात कुमार रय्यान मजगांवकर याच्या कुराण पठणाने झाली. शाळेतील विद्यार्थ्यांसाठी टिळक एक आदर्श नेता, विद्यार्थी दशेतील टिळक, टिळकांचे शैक्षणिक कार्य या विषयांवर वक्तृत्व स्पर्धा आयोजित केली होती. या स्पर्धेत प्राथमिक गटात सादिया खान, इफ्रा शरीफ भाटकर तर उच्च प्राथमिक गटात सौबान मुईन सय्यद, इब्राहीम इम्तियाज सिद्दीकी, बुशरा आफताब खान यांनी यश मिळवले. या स्पर्धेचे परिक्षण राशीद काद्री, रूखसाना फडनाईक, शाजिया बुडये यांनी केले. सूत्रसंचालन सुलताना भाटकर यांनी तर नाझिया बुडये यांनी आभार मानले. याप्रसंगी नाईक हायस्कूल येथे आयोजित आंतरशालेय वक्तृत्व स्पर्धेत मिस्त्री हायस्कूलच्या मुलींनी बाजी मारली. त्यात मोठ्या गटात अयाना रमजान भाटकर हिने प्रथम क्रमांक मिळविला.