जिल्हास्तरीय ऑनलाइन
देशभक्तीपर गीतगायन स्पर्धा
चिपळूण, ता. २८ ः स्वातंत्र्यदिनाचे औचित्य साधून लोटे येथील रोटरॅक्ट क्लबच्यावतीने स्वातंत्र्यदिनानिमित्त जिल्हास्तरीय ऑनलाइन देशभक्तीपर गीतगायन स्पर्धेचे आयोजन केले आहे. यामध्ये दहा वर्षांवरील सर्व वयोगटातील स्पर्धकांना सहभागी होता येणार आहे.
स्पर्धेचे स्वरूप ऑनलाइन असल्याने जिल्ह्यातील कोणत्याही भागातून स्पर्धक यात सहभागी होऊ शकतील. आपल्या घरातूनच आपला गायनाचा व्हिडिओ पाठवून स्पर्धकांना कला सादर करता येणार आहे. व्हिडिओ १० ऑगस्टपर्यंत आयोजकांकडे सुपूर्द करावा.
स्पर्धेचा अंतिम निकाल १५ ऑगस्टला जाहीर होणार आहे. स्पर्धेचे नियम आणि नोंदणी प्रक्रियेबद्दलची सविस्तर माहिती क्लबचे सदस्य मंदार दिवेकर, शुभम काते, अजिंक्य रोकडे यांच्याशी संपर्क साधावा. गायनाची आवड असणाऱ्या सर्वांनी या संधीचा लाभ घ्यावा आणि देशभक्तीचा आविष्कार संगीताच्या माध्यमातून करावा, असे आवाहन आयोजकांनी केले आहे.