टपाल कार्यालयाचे व्यवहार
दोन ऑगस्टला बंद राहणार
सकाळ वृत्तसेवा
रत्नागिरी, ता. २८ : भारतीय टपाल विभागाने टपाल सेवांमध्ये डीजिटल परिवर्तन घडवण्यासाठी आयटी २.० उपक्रमात एपीटी अॅप्लिकेशन ही नवीन प्रणाली लागू करण्यात येत आहे. यासाठी २ ऑगस्टला एक दिवस टपाल कार्यालयाचे सर्व व्यवहार बंद ठेवण्यात येणार आहेत. नागरिकांनी आवश्यक सेवेचे नियोजन त्याप्रमाणे करण्याचे आवाहन डाकघर अधीक्षकांनी केले आहे.
येत्या ४ ऑगस्टला रत्नागिरी डाक विभागातील दोन्ही प्रधान डाकघरे रत्नागिरी व चिपळूण आणि त्या अंतर्गत येणाऱ्या उपडाकघरांमध्ये, शाखा डाकघरांमध्ये नवीन प्रणाली लागू करण्यात येणार आहे. एपीटीचा उद्देश हा सुधारित वापरकर्ता अनुभव, जलद सेवा वितरण आणि अधिक ग्राहक-स्नेही सेवा प्रदान करणे हा आहे.
नव्या प्रणालीमुळे व्यवहार जलद, अचूक व ग्राहकाभिमुख होणार असल्याचा विश्वास रत्नागिरीच्या डाकघर अधीक्षकांनी व्यक्त केला. त्यासाठी प्रणाली पडताळणी व संरचना प्रक्रिया २ ऑगस्टला होणार आहे. त्या दिवशी टपाल कार्यालयाचे सर्व व्यवहार बंद ठेवण्यात येणार आहेत.