81424

कुडाळात मान्सून महोत्सवाचे उद्‍घाटन

लाजरी ग्रुपतर्फे आयोजन; दशावतार नाट्यप्रयोगास प्रतिसाद

सकाळ वृत्तसेवा
कुडाळ, ता. १ ः येथील लाजरी क्रिकेट ग्रुप आयोजित १३ व्या मान्सून महोत्सवाचे उद्‍घाटन गुरुवारी (ता.३१) सायंकाळी युवा उद्योजक तथा शिवसेना जिल्हा संघटक रूपेश पावसकर यांच्या हस्ते झाले. येथील सिद्धिविनायक मंगल कार्यालय (रेल्वेस्टेशन रोडनजीक) येथे हा महोत्सव आयोजित केला आहे.
लाजरी क्रिकेट ग्रुपचे अध्यक्ष राजू पाटणकर, सुनील धुरी, राजेश म्हाडेश्वर, स्वरूप सावंत, गजानन गावस, पद्माकर वालावलकर, संजय करलकर, बाबा मेस्त्री, सिद्धेश वर्दम, अमोल राणे, बादल चौधरी, सिद्धेश कलिंगण, सदा अणावकर, प्रसाद परब, संजय मांजरेकर, सिद्धेश बांदेकर, नितीन आसयेकर, चारू तेंडुलकर, नागेश नार्वेकर, अभी पावसकर, प्रमोद ठाकूर, नीलेश जोशी, अजय सावंत, प्रमोद म्हाडगुत, काशीराम गायकवाड, प्रसाद राणे, अरुण आकेरकर, राजू जळवी, बाबा मयेकर, प्रमोद राणे, पप्पू नांदोसकर, सचिन काळप, सुनील बांदेकर, बादल चौधरी, राजा सामंत आदी उपस्थित होते.
श्री. पावसकर म्हणाले, ‘गेली तेरा वर्षे ग्रुपच्या माध्यमातून महोत्सव अंतर्गत संयुक्त दशावतार होत आहे. प. पू. सद्‌गुरू अण्णा राऊळ महाराज यांच्या हस्ते या महोत्सवाचा त्यावेळी शुभारंभ झाला होता. बारा वर्षांचा एक तप पूर्ण होऊन तेराव्या वर्षांत हा महोत्सव होत आहे. याची ख्याती सिंधुदुर्गसह मुंबई, कोल्हापूरसह गोव्यातही पसरली आहे. या सर्व टीमसह राजेश म्हाडेश्वर, राजू पाटणकर यांचे योगदान फार महत्त्वाचे आहे.’ प्रकाश पारकर यांनी शुभेच्छा दिल्या. निवेदन राजा सामंत यांनी केले. या महोत्सवात जिल्ह्यातील दशावतारी नाट्य क्षेत्रामधील आघाडीच्या कलाकारांचा सहभाग असलेले संयुक्त दशावतारचे ‘महायोद्धा इरावन’ आणि ‘थाळी हरण’ असे दोन नाट्यप्रयोग सादर होणार आहेत. उद्‍घाटन सोहळ्यानंतर ‘महायोद्धा इरावन’ हा नाट्यप्रयोग झाला. दरम्यान, आज सायंकाळी ‘थाळी हरण’ हा नाट्यप्रयोग पार पडला.