सांगेली ‘नवोदय’मध्ये
प्रवेश अर्ज प्रक्रिया सुरू
सावंतवाडी ः शिक्षा मंत्रालय भारत सरकारद्वारे संचलित सिंधुदुर्ग जिल्ह्यातील सांगेली येथील नवोदय विद्यालयात २०२६ - २०२७ या शैक्षणिक वर्षासाठी सहावीच्या वर्गात प्रवेशासाठी अर्ज भरण्याची प्रक्रिया सुरू आहे. प्रवेश अर्ज ऑनलाईन पद्धतीने भरण्याची सूचना नवोदय विद्यालय समिती, नोएडाद्वारे (दिल्ली) प्राप्त झाली आहे. ऑनलाईन अर्ज भरण्याची मुदत १३ ऑगस्टपर्यंत वाढविली आहे. प्रवेश अर्ज निःशुल्क ऑनलाईन भरण्यासाठी पालकांची व विद्यार्थ्यांची गैरसोय होऊ नये, यासाठी, पालकांनी प्रथम नवोदय विद्यालय समितीच्या वेबसाईटवर जाऊन ऑनलाईन पद्धतीने अर्ज भरावा. हा अर्ज भरत असताना पालकाची सही, विद्यार्थ्याची स्वाक्षरी, छायाचित्र, आधारकार्ड आवश्यक आहे.