82177
सिंधुदुर्गातील पोरं ज्युदो स्पर्धेतही पुढे
कासार्डेत निवड चाचणी; ‘राज्यस्तरीय’साठी १७ जणांना संधी
सकाळ वृत्तसेवा
तळेरे, ता. ४ : सिंधुदुर्ग जिल्हा ज्यूदो असोसिएशनतर्फे कासार्डे येथे आयोजित सब ज्युनिअर जिल्हास्तरीय निवड चाचणी स्पर्धेत १७ खेळाडूंची लातूर येथे होणाऱ्या राज्यस्तरीय ज्यूदो स्पर्धेसाठी निवड झाली. पुनित बालन ग्रुप प्रस्तुत ५२ वी सब-ज्युनिअर महाराष्ट्र राज्य स्पर्धा आणि राष्ट्रीय निवड चाचणी स्पर्धा २२ ते २४ ऑगस्ट कालावधीत लातूर येथे होणार आहे.
निवड झालेली मुले अशी ः सब ज्युनिअर मुले ः २५ ते ३० वजनगट-ध्रुव शेट्ये (कासार्डे), श्रेयस कुंभार (तळवडे), यशराज दुपडे व पार्थ टकेकर (आंबोली). ३० ते ३५ वजनगट-ओम पाटील, स्वरुप मरगाळे, सौरभ मांजरेकर (तिघेही आंबोली). ३५ ते ४० कि.ग्रॅ. वजनगट-यश कडव (सावंतवाडी), ईश्वर सिंग (बांदा), अश्विन खरते (बांदा) व सोहम घेवडे (आंबोली). ४० ते ४५ गट-दुर्वांग नातू (फोंडाघाट), अश्मेश लवेकर (कासार्डे), गौरेश खानविलकर (बांदा) व यशराज राऊळ (आंबोली). ४५ ते ५० गट-कुणाल गोवेकर (आंबोली), नील परब (आंबोली). ५० ते ५५ गट-आरव कणबरकर. ६० ते ६६-अविनाश करंगुटकर (बांदा). ६६ कि.ग्रॅ. वरील खुला वजनगट-मयुरेश परब (सावंतवाडी).
सब ज्युनिअर मुली ः २३ ते २८ कि.ग्रॅ. वजनगट- प्रीती क्षीरसागर (कासार्डे). २८ ते ३२-मानवी म्हारव (वेंगुर्ले), कनिष्का कोकरे (कासार्डे). ३२ ते ३६-स्वरा दळवी (सावंतवाडी), काव्या तळवणेकर (सावंतवाडी), समृद्धी मराठे (कासार्डे), पूर्वा केणी (आंबोली).
३६ ते ४०-दृष्टी मुंड्ये (सावंतवाडी), प्रेरणा काजरेकर (सावंतवाडी), अन्वी गावडे व पौरवी जाधव (सावंतवाडी). ४० ते ४४-कृष्णाई रावराणे (फोंडाघाट), युगा गुंजाळ (सावंतवाडी), मयुरी जाधव (सावंतवाडी) व आराध्या गोसावी (सावंतवाडी). ४४ ते ४८-ऋतुजा चव्हाण (फोंडाघाट), लावण्या केसरकर (सावंतवाडी), हर्षदा परब (सावंतवाडी). ५७ कि.ग्रॅ.वरील खुला गट-अस्मी ठुकरुल (कासार्डे), सलोनी रेडेकर (आंबोली).
या यशस्वी खेळाडूंमधून विजेत्या १८ खेळाडूंची राज्यस्तरीय ज्यूदो स्पर्धेसाठी निवड झाली़. ही निवड चाचणी स्पर्धा सिंधुदुर्ग जिल्हा ज्यूदो असोसिएशनचे सचिव दत्तात्रय मारकड यांच्या मार्गदर्शनाखाली झाली. पंच म्हणून मुख्य प्रशिक्षक अभिजित शेट्ये, सोनू जाधव आदींनी काम पाहिले. सावंतवाडी, बांदा, आंबोली, वेंगुर्ले, कुडाळ, फोंडा, तळवडे, हरकुळ बुद्रुक व कासार्डे येथील ज्यूदो क्लबच्या ५० पेक्षा अधिक सब ज्युनिअर खेळाडूंनी सहभाग घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.