swt717.jpg
82875
तळेरे ः येथे सांगूळवाडी कृषी महाविद्यालयाच्या कृषिदूतांनी स्थापन केलेल्या कृषी माहिती केंद्राचे उद्‌घाटन करताना सरपंच हनुमंत तळेकर.

कृषी माहिती केंद्राचे
तळेरे येथे उद्‌घाटन
सकाळ वृत्तसेवा
तळेरे, ता. ७ ः येथे कृषी माहिती केंद्र मेळावा पार पडला. यावेळी कृषी महाविद्यालय सांगूळवाडीमधील विद्यार्थ्यांनी स्थापन केलेल्या या माहिती केंद्रमध्ये शेतकऱ्यांना विविध कृषी योजना आणि फळ झाडांविषयी सविस्तर माहिती दिली. या उपक्रमाला शेतकऱ्यांचा उत्स्फूर्त प्रतिसाद मिळाला.
कृषी महाविद्यालय सांगूळवाडीमधील विद्यार्थ्यांनी तळेरे येथील श्री गांगेश्वर मंदिर येथे कृषी माहिती केंद्र उभारले असून, या केंद्राचे उद्‌घाटन तळेरेचे सरपंच हनुमंत तळेकर यांच्या हस्ते झाले. विद्यार्थ्यांनी कृषी योजनांची माहिती, माती परीक्षण कसे करावे, फळ लागवड आणि त्यांच्या संगोपणाविषयी तसेच डॉ. बाळासाहेब सावंत कोकण कृषी विद्यापीठाने निर्मित केलेल्या ॲप्लिकेशन्सचे क्यआर कोड्सद्वारे नवनिर्मित केलेल्या कृषी तंत्रज्ञानाबद्दल मार्गदर्शन केले. या माहिती केंद्राच्या स्थापनेसाठी कृषी महाविद्यालय सांगुळवाडीचे प्राचार्य डॉ. स्वप्नील होळकर, उपप्राचार्य तेजस गायकवाड यांचे मार्गदर्शन लाभले. प्रात्यक्षिक पूर्ण करण्यासाठी तन्मय सुतार, रितेश एडके, भूषण शेणवी, साहिल करंगुटकर, ऋतुराज दुर्गुळे, दर्पण बंडबे, साहिल डोंगरकर, प्रथमेश राबाडे, तेजस नवलू आणि श्रेयस कांबळे या विद्यार्थ्यांचे योगदान लाभले.