जांभेकर विद्यालयात सायबर जागरूकता
सकाळ वृत्तसेवा
रत्नागिरी, ता. ८ : सौ. गोदूताई जांभेकर विद्यालयात सायबर जागरूकता मोहीम यशस्वीरीत्या पार पडली. कार्यक्रमाच्या अध्यक्षस्थानी प्रशालेच्या मुख्याध्यापिका संजना तारी होत्या. गोगटे-जोगळेकर महाविद्यालयाच्या सायबर वॉरियर क्लबतर्फे आणि क्विक हिल फाउंडेशनच्या सहकार्याने सायबर सुरक्षेसाठी सायबर शिक्षण ही सायबर सुरक्षेबाबत जागरूकता वाढवणारी मोहीम प्रशालेत राबवण्यात आली. कार्यक्रमात ओटीपी फसवणूक, गेमिंग फ्रॉड, सोशल मीडिया फसवणुकीसारख्या सायबर गुन्ह्यावर आधारित माहिती पूर्ण सादरीकरण, संवाद सत्र आणि प्रश्नोत्तर सत्र घेण्यात आले.
कार्यक्रमात सायबर क्लबचे सदस्य तन्वी सुतार, मनीष सहस्रबुद्धे, यश पकये, श्रेया चव्हाण यांनी सायबर गुन्हे टाळण्यासाठी आवश्यक असलेल्या सावधगिरीच्या उपायांची माहिती दिली. विद्यार्थ्यांना रोजच्या डिजिटल व्यवहारात कोणती काळजी घ्यावी या संदर्भात समजावून सांगण्यात आले.