83028

पानाफुलांच्या रांगोळीचे
देवगड प्रशालेत प्रदर्शन
सकाळ वृत्तसेवा
देवगड, ता. ८ः येथील शेठ म. ग. हायस्कूलच्या गुरुदक्षिणा प्रेक्षागृहात विद्यार्थ्यांनी काढलेल्या पानाफुलांच्या रांगोळींचे प्रदर्शन आयोजित केले होते. सातवी ते नववीमधील सुमारे १२५ विद्यार्थ्यांनी सहभाग घेऊन ६० रांगोळ्या साकारल्या. या प्रदर्शनाचे उद्घाटन स्थानीय समिती सचिव अ‍ॅड. अविनाश माणगावकर यांनी केले.
यावेळी मुख्याध्यापक प्रवीण खडपकर, पर्यवेक्षिका निशा दहिबावकर, कलाशिक्षक राजेंद्र कोयंडे, अजित सुरुंगले तसेच अन्य शिक्षक व शिक्षकेतर कर्मचारी उपस्थित होते. विद्यार्थ्यांनी काढलेल्या रांगोळी पाहून अशाच प्रकारचे सहशालेय उपक्रम राबवून विद्यार्थांचा सर्वांगीण विकास करावा, असे आवाहन अ‍ॅड. माणगावकर यांनी यावेळी केले. संस्था पदाधिकारी मिलिंद कुबल, दत्तात्रय जोशी, डॉ. पुष्कर आपटे यांच्यासह पालकांनी प्रदर्शनाला भेट दिली. कोल्हापूर येथील उडान शिक्षण संस्थेच्या प्रतिनिधींनी प्रदर्शनाला भेट देऊन विद्यार्थ्यांचे कौतुक करून प्रोत्साहनपर बक्षीस देऊन गौरविले.
..................
83029

कोलगावात शिवसेनेतर्फे
शैक्षणिक साहित्य वाटप
सकाळ वृत्तसेवा
ओटवणे, ता. ८ः शिवसेनेच्यावतीने कोलगाव गावातील जिल्हा परिषदेच्या सर्व शाळा व अंगणवाडीमधील मुलांना शैक्षणिक साहित्याचे वितरण करण्यात आले. माजी मंत्री तथा विद्यमान आमदार दीपक केसरकर, शिवसेनेचे जिल्हाप्रमुख संजू परब यांच्या संकल्पनेतून या शैक्षणिक साहित्याचे वितरण करण्यात आले. यावेळी सर्व शाळा व अंगणवाडी यांच्या समस्या जाणून घेण्यात आल्या.
शाळा व अंगणवाडी यांना सोयी व सुविधा उपलब्ध करण्याबाबत आमदार केसरकर व जिल्हाप्रमुख परब यांचे लक्ष वेधून सोयी व सुविधा उपलब्ध करण्याबाबत प्रयत्नशील राहण्याचे आश्वासन शिवसेनेच्या पदाधिकाऱ्यांनी दिले. यावेळी शिवसेनेचे माजी कोलगाव विभाग अध्यक्ष सुशांत ठाकूर, कोलगाव विभागीय महिला अध्यक्षा अॅड. शीतल टिळवे, युवा सेनेचे कोलगाव विभाग प्रमुख मुकेश ठाकूर, कोलगाव बुथ प्रमुख आदेश गावडे, रविकिरण राऊत, माजी ग्रामपंचायत सदस्य सुद्धा ठाकूर आदी उपस्थित होत्या.