swt813.jpg
83033
सावंतवाडी ः नॅब संस्थेतील दृष्टिबाधितांना विद्यार्थिनींनी रक्षाबंधन केले.

नॅब संस्थेतील दृष्टिबाधितांना
विद्यार्थिनींनी बांधल्या राख्या
सकाळ वृत्तसेवा
सावंतवाडी, ता. ८ ः रक्षाबंधन सणानिमित्त येथील कळसुलकर हायस्कूलच्या सातवीतील विद्यार्थिनींनी एक अनोखा उपक्रम राबवून सामाजिक बांधिलकीचे दर्शन घडविले. विद्यार्थिनींनी शहरातील नॅब संस्थेतील दृष्टिबाधित बांधवांना राख्या बांधल्या आणि त्यांच्यासोबत हा सण साजरा केला. यावेळी नॅब संस्थेचे अध्यक्ष अनंत उचगावकर यांनी संस्थेची आणि नेत्र रुग्णालयाची सविस्तर माहिती दिली.
श्री. उचगावकर यांनी विद्यार्थिनींना अभ्यासासोबतच आरोग्यविषयक काही महत्त्वाचे सल्ले दिले. त्यांनी मोबाईल फोनचा वापर कमी करून मैदानी खेळ खेळण्याचा, धावण्याचा, योगासने करण्याचा आणि भरपूर अभ्यास करून यशाचे शिखर गाठण्याचा सल्ला दिला.
या कार्यक्रमाला नॅब संस्थेचे सचिव सोमनाथ जिनी, कोषाध्यक्ष विनया बाड, रोटरी क्लबचे सुहास सातोस्कर, पी. व्ही. बागुल, वैष्णवी सावंत आदी उपस्थित होते. यावेळी दृष्टिबाधित बांधव बाबुराव गावडे, समीर नाईक आणि श्री. शिर्के आदी उपस्थित होते. विद्यार्थिनींनी या सर्व बांधवांचे औक्षण करून राख्या बांधल्या आणि खाऊ वाटप केले. या उपक्रमामुळे दृष्टिबाधित बांधवांच्या चेहऱ्यावर आनंद फुलला.