82984

गणेश घाट खचल्यामुळे मूर्ती
विसर्जित करायच्या कशा?

संजय भोगटे; कुडाळमधील समस्या

सकाळ वृत्तसेवा
कुडाळ, ता. ८ ः पाण्याच्या प्रवाहामुळे जमीन खचल्याने गणेश घाटाकडे विसर्जन करतेवेळी गणेशमूर्तीचे वाहन घाटापर्यंत नेण्यासाठी अडचण होणार असल्याबाबत माजी जिल्हा परिषद सदस्य संजय भोगटे यांनी लक्ष वेधले. याबाबत नगरपंचायत मुख्याधिकारी यांनी पाहणी करण्याचे आश्वासन देत निधीची तरतूद करण्यासंबंधी प्रयत्न करणार असल्याचे सांगितले.
कुडाळ शहरातील गणेशघाटाकडे जाणारा हॉटेल गुलमोहर ते भंगसाळ नदीपर्यंतचा मेरीटाईम बोर्डाने गेल्या मेमध्ये केलेला रस्ता पहिल्या पावसातच खराब झाला. रस्त्याचे काँक्रिट खरडून गेले आहे. याबाबत संबंधित अभियंत्यांना बोलावून घेत विचारणा केली असता त्यांनी रस्ता सुस्थितीत करून देतो, असे सांगितले. मात्र, रस्ता खराब झालाच कसा?, अशी विचारणा केली असता ते निरुत्तर झाले, असे भोगटे यांनी सांगितले.