83124

सिंधुदुर्गनगरीत योजनांसह
अवयवदानाबाबत जागृती
सिंधुदुर्गनगरी, ता. ८ ः मुख्यमंत्री सहाय्यता निधी तथा धर्मादाय रुग्णालय मदत कक्षातर्फे अवयवदान पंधरवडा या उपक्रमाचे औचित्य साधून विविध योजनांसह अवयवदानबाबत जनजागृती करण्यात आली. उपप्रादेशिक परिवहन कार्यालय सिंधुदुर्ग येथे हा कार्यक्रम झाला.
जिल्ह्यातील उपस्थित शिकावू चालक उमेदवार तसेच उपस्थित कर्मचाऱ्यांना मुख्यमंत्री सहाय्यता निधी, महात्मा ज्योतिराव फुले जनआरोग्य योजना, प्रधानमंत्री जनआरोग्य योजना, राष्ट्रीय बाल स्वास्थ कार्यक्रम आदींबाबतही जनजागृती करण्यात आली. अवयवदानाची शपथ देण्यात आली. उपप्रादेशिक परिवहन कार्यालयाचे सहायक वाहन निरीक्षक पराग मातोंडकर, वैद्यकीय अधिकारी डॉ. शिवम शिवरकर, मुख्यमंत्री सहाय्यता निधी कक्षाचे समाजसेवा अधीक्षक सुनील कुंडगीर आदी उपस्थित होते.