कोयनेत २.९ तीव्रतेचा
भूकंपाचा धक्का
चिपळूण, ता. १८ ः कोयना धरण पाणलोट क्षेत्राला शुक्रवारी (ता. १५) दुपारी १ वाजून ३९ मिनिटांनी भूकंपाचा धक्का बसला. रिश्टर स्केलवर त्याची तीव्रता २.९ नोंदवली गेली. यामुळे घराचे पत्रे हादरल्याने ग्रामस्थ तत्काळ घराबाहेर धावले.
कोयना धरण परिसरात शुक्रवारी दुपारी १ वाजून ३९ मिनिटांनी भूकंपाचा धक्का जाणवला. त्याचा केंद्रबिंदू कोयना धरणापासून चाळीस किलोमीटर अंतरावर वारणा खोऱ्यात तानमळा गावाच्या पूर्वेला दहा किलोमीटर अंतरावर भूगर्भात ४१ किलोमीटर खोल होता. हे ठिकाण चिपळूणच्या दक्षिणेस अकरा किलोमीटरवर होते. त्याची तीव्रता रिश्टर स्केलवर २.९ नोंदवली गेली. यामुळे कोयना धरणाला कोणताही धोका नसल्याचे सांगण्यात आले.