swt2215.jpg
86412
सावंतवाडीः घुमट आरती सादर करताना पीर्ण-गोवा मंडळाचे सदस्य.

घुमट आरतीने सावंतवाडीकर मंत्रमुग्ध
सकाळ वृत्तसेवा
सावंतवाडी, ता. २२ः श्री हनुमान पुरूमारेश्वर घुमट आरती मंडळ, पीर्ण-गोवा यांनी आपल्या सुमधुर घुमट आरतीने सावंतवाडीकरांना मंत्रमुग्ध केले. सद्गुरू ब्रह्ममूर्ती दत्तात्रेय महाराज मंडळाच्यावतीने इंदिरा गांधी व्यापारी संकुलातील श्री दत्त मंदिरात या खास घुमट आरतीचे आयोजन केले होते.
श्रावण महिन्यातील शेवटच्या गुरुवारी आयोजित या सोहळ्यासाठी मोठ्या संख्येने सावंतवाडीकर उपस्थित होते. यावेळी माजी मंत्री तथा आमदार दीपक केसरकर यांनी मंदिरात हजेरी लावून दर्शन घेतले. गोव्यातील पारंपरिक वाद्यांच्या साथीने सादर केलेल्या या घुमट आरतीचे त्यांनी कौतुक केले. पारंपरिक वाद्यांच्या माध्यमातून जपलेली ही कला पाहून उपस्थितांनीही आनंद व्यक्त केला. मोठ्या संख्येने नागरिकांनी या घुमट आरतीस उपस्थिती दर्शविली.