संगमेश्वरात वाजतगाजत
गणरायांचे विसर्जन
सकाळ वृत्तसेवा
संगमेश्वर, ता. २ ः ‘गणपती बाप्पा मोरया पुढच्या वर्षी लवकर या, एक दोन तीन चार गणपतीचा जयजयकार’ अशा जयघोषात संगमेश्वर तालुक्यातील गणराय आणि गौरींचे थाटात विसर्जन करण्यात आहे.
तालुक्यातील लोवले, माभळे, शिवणे, कोळंबे, सोनगिरी आदींसह ग्रामीण भागात गणेशभक्तांनी मिरवणूक काढत वाजतगाजत विसर्जन केले. मोठ्या प्रमाणात फटाक्यांची आतीषबाजी करण्यात आली. सायंकाळी चार वाजता घरगुती गणेशमूर्ती विसर्जनासाठी बाहेर काढायला सुरुवात झाली होती. गणेश विसर्जनावेळी कोणताही अनुसूचित प्रकार घडू नये म्हणून सर्वत्र चोख बंदोबस्त ठेवण्यात आला होता.
तालुक्यात सकाळी सहा वाजल्यापासून पावसाच्या दमदार सरी कोसळत होत्या, मात्र दुपानंतर पाऊस कमी झाल्याने विसर्जन मिरवणूका उत्साहात पार पडल्या. गणेशोत्सवा दरम्यान एक दिवस वगळता पावसाचा जोर कायम राहिल्याने भक्तगण नाराज झाले. गणेशोत्सवानिमित्त आयोजित रात्रीच्या कार्यक्रमात अनेक ठिकाणी पावसाचा व्यत्यय आला.