- rat७p२६.jpg-
२५N९७१८९
लांजा ः तहसीलदार प्रियांका लोंढे यांना निवेदन देताना वकील संघाचे पदाधिकारी.

लांजा तालुका वकील संघाच्यावतीने
सरन्यायाधिशांवरील हल्ल्याचा निषेध
सकाळ वृत्तसेवा
लांजा,ता. ७ ः सरन्यायाधीश भूषण गवई यांचा न्यायालयात झालेल्या अवमानप्रकरणी लांजा तालुका वकील संघाच्यावतीने आज मंगळवारी कामकाजातून अलिप्त राहून जाहीर निषेध करण्यात आला.
या प्रकरणी लांजा तहसीलदार प्रियांका ढोले यांना लांजा तालुका वकील संघाच्यावतीने निवेदनदेखील सादर करण्यात आले. डॉ. बाबासाहेब आंबेडकर यांनी दाखवलेल्या मार्गावर चालून, संघर्ष करून देशातील सर्वोच्च स्थानावर पोहचलेल्या भूषण गवई यांच्यासारख्या ज्येष्ठ न्यायमूर्तींचा एका वकिलाकडून अवमान होतो. आपल्या देशातील काही लोकांच्या डोक्यात मनुवादी विचारधारा किती खोलवर रूजली आहे, हे या घटनेवरून स्पष्ट होते, असे या निवेदनात म्हटले आहे. ही संपूर्ण घटना अतिशय खेदजनक असून, आम्ही या घटनेचा जाहीर निषेध करत असल्याचे लांजा तालुका वकील संघाने म्हटले आहे. या वेळी वकील संघाचे पदाधिकारी उपस्थित होते.