swt247.jpg
06379
श्री देव खवणेश्वर

खवणे येथे शुक्रवारपासून
खवणेश्वर वर्धापन सोहळा
सकाळ वृत्तसेवा
म्हापण, ता. २४ः श्री देव खवणेश्वराच्या २२ व्या वर्धापन दिनानिमित्त खवणे येथे २८, २९ व ३० नोव्हेंबरला विविध धार्मिक कार्यक्रमांचे आयोजन केले आहे. शुक्रवारी (ता. २८) सकाळी ८ वाजता अभिषेक व पूजन, सायंकाळी ६ वाजता खवणेश्वर युवक मित्रमंडळ (घाडीवाडी) यांचे भजन, ७.३० वाजता वडचीदेवी प्रासादिक भजन मंडळ लिंगडाळ (देवगड) यांचे भजन, रात्री ९ वाजता श्री अमृतनाथ सिद्धेश्वर दशावतार नाट्यमंडळाचे नाटक होणार आहे.
शनिवारी (ता. २९) सकाळी ८ वाजता अभिषेक व पूजन, सायंकाळी ६ वाजता वेतोबा प्रासादिक भजन मंडळ मायणेवाडी यांचा भजनाचा कार्यक्रम, ७ वाजता तारादेवी फुगडी मंडळाचा कार्यक्रम, रात्री ८.३० वाजता शाळेतील मुलांचे विविध कार्यक्रम व गाव मर्यादित रेकॉर्ड डान्स, रविवारी (ता. ३०) सकाळी ८ वाजता लघुरुद्र, ९ वाजता श्री सत्यनारायण महापूजा, दुपारी १२ वाजता महाआरती, दुपारी १ ते ३ पर्यंत महाप्रसाद, ३.३० ते ५ वाजेपर्यंत ग्रामस्थांची भजने, सायंकाळी ७ वाजता भजन, रात्री ८ वाजता समईनृत्य, ९.३० वाजता सत्कार समारंभ, त्यानंतर जय हनुमान दशावतार नाट्यमंडळ आरोस दांडेली यांचा नाट्यप्रयोग, पहाटे ४ वाजता श्री देव ब्राह्मण प्रसादिक भजन मंडळ पागेरेवाडी यांची काकड आरती होणार आहे. या कार्यक्रमांचा भाविक भक्तांनी लाभ घ्यावा, असे आवाहन श्री देव खवणेश्वर युवक मित्रमंडळ व खवणे ग्रामस्थांनी केले आहे.