-rat24p12.jpg-
26O19817
रत्नागिरी : बारटक्के इन्स्टिट्यूट आणि एसएसके इनोव्हेशन्समध्ये सामंजस्य करार करण्यात आला. त्या वेळी करारपत्र दाखवताना दोन्ही संस्थांचे पदाधिकारी.
----------
कुशल मनुष्यबळ निर्मितीसाठी पुढाकार
बारटक्के, इन्स्टिट्यूट–एसएसके इनोव्हेशन्समध्ये करार
सकाळ वृत्तसेवा
रत्नागिरी, ता. २८ : विद्यार्थ्यांना उद्योगाभिमुख शिक्षण मिळावे आणि त्यांच्यातील तांत्रिक कौशल्ये विकसित व्हावीत, या उद्देशाने रत्नागिरी एज्युकेशन सोसायटीचे बारटक्के इन्स्टिट्यूट आणि एसएसके इनोव्हेशन्स प्रा. लि. या इन्फोटेक कंपनीमध्ये सामंजस्य करार करण्यात आला. या करारामुळे भविष्यात कुशल मनुष्यबळ निर्माण होण्यास मोठी मदत होणार आहे. कौशल्य विकासासाठी पुढाकार घेण्यात आला आहे.
या करारामुळे विद्यार्थ्यांना प्रत्यक्ष कामाचा अनुभव आणि उद्योगांच्या गरजेनुसार अभ्यासक्रम उपलब्ध होणार आहे. एसएसके इनोव्हेशन्स ही कंपनी रत्नागिरी तसेच पुणे येथून विविध कंपन्यांसाठी काम करत आहे. या भागीदारीमुळे शिक्षण आणि उद्योगक्षेत्रातील अंतर कमी करण्यास मदत होणार आहे. यामध्ये विद्यार्थ्यांना त्यांच्या शैक्षणिक कालावधीत एसएसके इनोव्हेशन्समध्ये प्रत्यक्ष प्रकल्पांवर काम करण्याची संधी मिळेल. या उपक्रमासाठी रत्नागिरी एज्युकेशन सोसायटीचे पदाधिकारी तसेच बारटक्के इन्स्टिट्यूट शालेय समिती अध्यक्षा डॉ. कल्पना मेहता व सर्व समिती सदस्यांनी शुभेच्छा दिल्या.