‘विमान अपघाताची
सखोल चौकशी करा’
खेड, : सहा वेळा उपमुख्यमंत्री म्हणून काम केलेल्या ज्येष्ठ नेत्याच्या विमान अपघात प्रकरणी सखोल आणि पारदर्शक चौकशी होणे अत्यंत आवश्यक असल्याची ठाम मागणी शिवसेना नेते रामदास कदम यांनी केली आहे. मोठ्या नेत्याचा अपघात होणे ही अत्यंत गंभीर बाब असून, याकडे दुर्लक्ष करता येणार नाही, असेही त्यांनी स्पष्ट केले. या अपघाताचे चित्रण पाहिल्यानंतर अनेक गंभीर प्रश्न उपस्थित होत असल्याचे रामदास कदम यांनी सांगितले. सकाळी सुमारे आठ ते साडेआठच्या सुमारास घडलेल्या या घटनेत विमान खाली येताना तिरकस अवस्थेत दिसत होते. विमानतळाच्या दिशेने येताना ते सरळ रेषेत न येता कमानीसारख्या वाकड्या पद्धतीने येताना स्पष्टपणे दिसत असल्याचे त्यांनी नमूद केले.