इन्फिगो आयकेअरमध्ये आजपासून
रेटिनातज्ज्ञ डॉ. कामत करणार तपासणी
सकाळ वृत्तसेवा
रत्नागिरी, ता. २३ : मधुमेह शरीराच्या इतर अवयवांबरोबरच डोळ्यांवर गंभीर परिणाम‎ करतो.‎ वेळेवर‎ निदान व‎ योग्य उपचार न केल्यास दृष्टी गमावण्याचा धोका‎ निर्माण‎ होतो. त्यामुळेच गेली पाच वर्षे इन्फिगो आयकेअर हॉस्पिटलमध्ये दर महिन्याला येऊन प्रसिद्ध रेटिनातज्ज्ञ डॉ. प्रसाद कामत रुग्णांवर यशस्वी उपचार करत आहेत. या महिन्यात ते उद्या (ता. २४) साई‎ लॉज‎समोर,‎ लांजा आणि २५ ते २७ फेब्रुवारीदरम्यान साळवी स्टॉप येथील इन्फिगो हॉस्पिटलमध्ये सेवा देणार आहेत.
कोकणात पूर्णवेळ रेटिनातज्ज्ञ डॉक्टर उपलब्ध नसल्याने गेल्या पाच वर्षांपासून इन्फिगो‎ आयकेअर‎ हॉस्पिटलच्या विविध रुग्णालयांमध्ये रेटिना तपासणी‎ करण्याचे नियोजन करण्यात आले. यामध्ये शंकर नेत्रालय (चेन्नई) येथून उच्च प्रशिक्षित डॉ. कामत रुग्णांची रेटिना तपासणी करून औषधोपचार आणि गरज असल्याने शस्त्रक्रिया करतात.
रेटिना‎तज्ज्ञ‎ डॉ.‎ कामत यांच्या मार्गदर्शनाखाली‎ थ्रीडी तंत्रज्ञानाद्वारे इन्फिगो आयकेअर हॉस्पिटलमध्ये तपासणी केली जाते. विशेषतः मधुमेही रुग्णांनी वर्षातून एकदा किंवा गरज भासल्यास दोनदा रेटिना तपासणी करून घेणे आवश्यक आहे. रुग्णांनी नोंदणी करून डॉ. कामत यांच्याकडून तपासणी करून घ्यावी, असे आवाहन इन्फिगो आयकेअर हॉस्पिटलतर्फे करण्यात आले आहे.