Latest Marathi News Live Update : दिल्लीतील आर्मी पब्लिक स्कूल आणि एअर फोर्स बाल भारती स्कूल बॉम्बने उडवण्याची धमकी

नवी दिल्लीतील धौला कुआं येथील आर्मी पब्लिक स्कूल आणि लोधी रोड येथील एअर फोर्स बाल भारती स्कूलमध्ये बॉम्बच्या धमकीचे ईमेल आले आहेत. अद्याप काहीही सापडलेले नाही. अधिक माहितीची प्रतीक्षा आहे .जोधपूरच्या मनाई गावात लग्नाची तयारी करत असलेल्या एका कुटुंबातील दोन बहिणींचे मृतदेह आढळले आहेत. पोलिसांचा हे प्रकरण आत्महतेचे असल्याचा प्राथमिक अंदाज आहे. .कळे : साळवाडी (ता. पन्हाळा) येथे दोन मंडळांच्या कार्यकर्त्यांत राडा झाल्याने गावात तणावाचे वातावरण निर्माण झाले. कार्यकर्त्यांनी लोखंडी गज, चिव्याच्या काठ्या व लाठ्यांनी केलेल्या हाणामारीत दोन्ही बाजूंचे नऊ जण जखमी झाले. तर दुचाकी वाहनांची तोडफोड करण्यात आली. याप्रकरणी सार्वजनिक शांततेचा भंग व मालमत्तेचे नुकसान केल्याप्रकरणी शनिवारी रात्री उशिरा एकूण १९ जणांविरुद्ध पोलिसांत गुन्हा दाखल करण्यात आला..सिंधुदुर्ग जिल्ह्यात गेली दोन दिवस वातावरणात बदल झाला असून कधी धुके तर कधी ढगाळ वातावरण पाहायला मिळत आहे. त्यातच काल सायंकाळी फोंडाघाटासह परिसरात अवकाळी पावसाने झोडपून काढले. अचानक आलेल्या पावसामुळे सर्वांचीच तारांबळ उडाली. हवेतसुद्धा चांगलाच गारवा निर्माण झाला होता. आजही सकाळपासून जिल्ह्यात ढगाळ वातावरण असून उकाडा वाढला आहे..राशिवडे बुद्रुक : दिवसभराच्या उकाड्यानंतर दाजीपूर आणि अभयारण्य परिसरात दुपारी चार वाजता पाऊस झाला. फोंडा घाट आणि दाजीपूर परिसरामध्ये झालेल्या या पावसामुळे हवेत गारवा निर्माण झाला. सुमारे दहा मिनिटे हा पाऊस झाला. दुपारी चारच्या सुमारास अचानक पावसाने सुरुवात केली. फोंड्यापासून थेट दाजीपूर परिसरात ठिकठिकाणी पाऊस झाला..मुंबई : ‘म्हाडा’च्या पुणे मंडळांतर्गत घरांना मोठी मागणी असून, नुकत्याच काढलेल्या चार हजार २०० घरांच्या लॉटरीसाठी दोन लाखांहून अधिक अर्ज आले होते. त्या पार्श्वभूमीवर ‘म्हाडा’कडून मार्चमध्ये पुणे मंडळामधील तीन हजार घरांची लॉटरी काढली जाणार आहे. त्यामुळे ‘म्हाडा’च्या घरासाठी लॉटरीच्या प्रतीक्षेत असलेल्या सर्वसामान्यांना मोठी संधी उपलब्ध होणार आहे. .देशाच्या उत्तरेकडून पश्चिमेकडे हवामानात सातत्याने मोठे बदल होत असून त्याचा परिणाम महाराष्ट्रावरही स्पष्टपणे जाणवत आहे. राज्यातील बहुतांश भागांतून थंडीने आधीच माघार घेतली असून आता उष्णतेची तीव्रता वाढू लागली आहे. दरम्यान, गेल्या ४८ तासांपासून राज्यात पावसासाठी पोषक वातावरण तयार होत असल्याने मध्य महाराष्ट्र, मराठवाडा आणि विदर्भातील काही भागांसाठी पावसाचा इशारा देण्यात आला आहे..कुरुंदवाड : येथील माजी नगराध्यक्ष जयराम कृष्णराव पाटील (वय ८२) यांचे निधन झाले. शहराचे सर्वाधिक १७ वर्षे नगराध्यक्ष पद भूषवले. काही काळापासून ते आजारी होते. आज (ता. २३) सकाळी अंत्यसंस्कार करण्यात येणार आहेत. ते पस्तीस वर्षांहून अधिक काळ शहराच्या राजकारणाचा केंद्रबिंदू राहिले..Latest Marathi Live Updates 23 February 2026 : ‘‘दिवंगत उपमुख्यमंत्री अजित पवार यांच्या दुर्दैवी अपघाताची चौकशी आधीच सुरू झाली आहे. त्यांच्या पक्षातर्फे सीबीआय चौकशीचीही मागणी करण्यात आली आहे. त्याबाबत देखील मी स्वत: केंद्रीय गृहमंत्री अमित शहा यांच्याशी बोललो आहे. कोणाच्या मनात शंका असतील तर त्यांनी त्या डीजीसीए किंवा आमच्याकडे द्याव्यात, त्यांचा निश्चित विचार करण्यात येईल. या अपघातामागचे तथ्य बाहेर आलेच पाहिजे अशी आम्हा सर्वांचीच इच्छा आहे,’’ असे मुख्यमंत्री देवेंद्र फडणवीस यांनी स्पष्ट केले. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : दिल्लीतील आर्मी पब्लिक स्कूल आणि एअर फोर्स बाल भारती स्कूल बॉम्बने उडवण्याची धमकी

Delhi Live : दिल्लीतील आर्मी पब्लिक स्कूल आणि एअर फोर्स बाल भारती स्कूल बॉम्बने उडवण्याची धमकी

Related Stories