मुंबईः मागच्या दोन-तीन दिवसांपासून अर्जून तेंडुलकरचा एक व्हीडिओ व्हायरल होत आहे. त्यामध्ये तो नाकात टाकलेलं बोट पुन्हा तोंडात टाकत आहे. परंतु हा व्हीडिओ निव्वळ खोडसाळपणा असल्याचं स्पष्ट होत आहे.

सचिन तेंडुलकरचा मुलगा अर्जून तेंडुलकर हा मुंबई इंडियन्सचा अष्टपैलू खेळाडू आहे. मागच्या काही दिवसांपूर्वी त्याचा एक व्हीडिओ सोशल मीडियामध्ये व्हायरल झाला होता. त्यामुळे अर्जून तेंडुलकरची चुकीची प्रतिमा तयार झाली होती. मात्र फॅक्ट चेकमधून हा व्हीडिओ खोटा असल्याचं स्पष्ट झालेलं आहे.

आयपीएलच्या मुंबई इंडियन्स विरुद्ध गुजरात टायटन्स या सामन्यामध्ये गुजराचा विजय झाला होता. या सामन्यात अर्जून तेंडुलकरने १३ धावा आणि एक विकेट घेतली होती. या मॅचदरम्यान अर्जून मैदानावर फिल्डिंग करत असतांनाचा एक व्हीडिओ व्हायरल झाला. त्यामध्ये तो नाकात टाकलेले बोट तोंडामध्ये टाकताना दिसतोय.

मात्र हा व्हीडिओ रिव्हर्स एडिट केल्याचे निष्पन्न झालंय. खरा व्हीडिओ शेवटापासून सुरु होतो. म्हणजे अर्जून सुरुवातीला तोंडामध्ये बोट टाकतो, नंतर नाकात. हे स्पष्ट दिसत आहे.

ट्विटर युजरने यासंदर्भातला खरा व्हीडिओ शेअर केला आहे. याच व्हीडिओमध्ये कुणीतरी छेडछाड करुन तो व्हीडिओ व्हायरल केला.