दुबई : इंग्लंडचा अष्टपैलू बेन स्टोक्स याने आयसीसी क्रमवारीतही मोठी झेप घेतली आहे. ऍशेस मालिकेतील लीड्स कसोटी सामन्यात त्याने शानदार खेळी करत इंग्लंडला विजय मिळवून दिला. यानंतर त्याने आयसीसी क्रमवारीत अष्टपैलूंमध्ये कारकिर्दीतील सर्वोच्च स्थान गाठले आहे. 

आयसीसीने आज जाहीर केलेल्या नव्या क्रमवारीत त्याने अष्टपैलूंमध्ये दुसऱ्या क्रमांकावर झेप घेतली आहे. यामध्ये त्याचे 411 गुण झाले आहेत. तसेच त्याने फलंदाजांमध्ये 13 स्थानांची आघाडी घेत 693 गुणांसह 13व्या स्थानावर झेप घेतली आहे. 

दरम्यान स्टोक्सने धीरोदात्त नाबाद 135 शतकी खेळी करून त्याने इंग्लंडला ऍशेस मालिकेतील तिसऱ्या कसोटी क्रिकेट सामन्यात ऑस्ट्रेलियाविरुद्ध केवळ एक गडी राखून विजय मिळवून दिला.