T20 World Cup 2024 Michael Vaughan Prediction : भारतासह अनेक देशांनी 1 जूनपासून वेस्ट इंडीज आणि अमेरिकेत होणाऱ्या टी 20 वर्ल्डकपसाठी आपल्या संघाची घोषणा केली. न्यूझीलंड, इंग्लंड आणि ऑस्ट्रेलिया यासारख्या तगड्या संघांनी आपला संघ जाहीर केला आहे. दरम्यान, कोणाचा संघ किती मजबूत अशी चर्चा सुरू झाली आहे. तसेच स्पर्धेत कोण सेमी फायनल गाठणार याचे देखील अंदाज वर्तवले जात आहेत.

दरम्यान, इंग्लंडचा माजी कर्णधार मायकल वॉनने आपला अंदाज वर्तवला आहे. मायकल वॉनने वर्ल्डकपमध्ये कोणते चार संघ हे सेमी फायनलिस्ट असतील याचा अंदाज वर्तवला आहे. आश्चर्याची बाब म्हणजे या चार संघात त्यानं भारताचा समावेश केलेलाच नाही.

मायकल वॉनने ट्विट केले की, 'टी 20 वर्ल्डकपमधील माझे चार सेमी फायनलिस्ट... इंग्लंड, ऑस्ट्रेलिया, दक्षिण आफ्रिका आणि वेस्ट इंडीज.'

टी 20 वर्ल्डकपसाठी भारतीय संघ :

रोहित शर्मा (कर्णधार), विराट कोहली, यशस्वी जायसवाल, सूर्यकुमार यादव, ऋषभ पंत (विकेटकीपर), संजू सॅमसन, हार्दिक पांड्या, रविंद्र जडेजा, शिवम दुबे, अक्षर पटेल, कुलदीप यादव, युजवेंद्र चहल, जसप्रीत बुमराह, अर्शदीप सिंह, मोहम्मद सिराज

राखीव खेळाडू : शुभमन गिल, रिंकू सिंह, खलील अहमद, आवेश खान

भारताचं वेळापत्रक :

5 जून - भारत विरूद्ध आयर्लंड

9 जून - भारत विरूद्ध पाकिस्तान

12 जून - भारत विरूद्ध युएसए

15 जून - भारत विरूद्ध कॅनडा

(Cricket Marathi New)