India vs England 2nd ODI : भारत आणि इंग्लंड यांच्यातील तीन एकदिवसीय सामन्यांच्या मालिकेतील दुसरा सामना लॉर्ड्स क्रिकेट मैदानावर खेळवला जात आहे. भारतीय कर्णधार रोहित शर्माने दुसऱ्या एकदिवसीय सामन्यात नाणेफेक जिंकून गोलंदाजी करण्याचा निर्णय घेतला. भारताने प्लेइंग इलेव्हनमध्ये एक बदल केला असून श्रेयस अय्यरच्या जागी माजी कर्णधार विराट कोहलीला आणले आहे. इंग्लंड संघात कोणताही बदल झालेला नाही. तीन सामन्यांच्या मालिकेत भारताने पहिल्या सामन्यात 10 विकेटने विजय मिळवत 1-0 अशी आघाडी घेतली आहे. (sachin tendulkar sourav ganguly attendting lords see photo)
भारत आणि इंग्लंडचा दुसरा जबरदस्त सामना पाहण्यासाठी भारतीय दिग्गज खेळाडूही लॉर्ड्स क्रिकेट स्टेडियमवर पोहोचले आहे. बीसीसीआय अध्यक्ष सौरव गांगुली आणि सचिन तेंडुलकर दुसऱ्या सामन्याचा आनंद लुटताना दिसत आहेत. या दोन्ही खेळाडूंच्या लॉर्ड्स क्रिकेट ग्राऊंडशी अनेक आठवणी जोडलेल्या आहेत.
टीम इंडियाने एक दिवस आधी म्हणजेच 13 जुलै 2002 रोजी नॅटवेस्ट मालिका जिंकून इतिहास रचला होता. या सामन्यात मास्टर ब्लास्टर सचिनची बॅट चालले नाही. तो फक्त 14 धावा करून बाद झाला, तर गांगुलीने 60 धावा केल्या. ही फायनल युवराज आणि कैफ यांच्यातील भागीदारीसाठी ही लक्षात राहिली आहे. यापूर्वी सौरव गांगुलीच्या वाढदिवसानिमित्त सचिन दादा एकत्र दिसले होते.
भारत आणि इंग्लंड यांच्यात खेळल्या जाणार्‍या दुसर्‍या सामन्याबद्दल बोलायचे तर कर्णधार रोहित शर्माने नाणेफेक जिंकून प्रथम गोलंदाजी करण्याचा घेतला निर्णय योग्य असल्याचे सिद्ध झाले आहे. 33 षटकांनंतर इंग्लंडची धावसंख्या 6 बाद 159 अशी आहे. भारताकडून युझवेंद्र चहलने आतापर्यंत तीन आणि हार्दिक पांड्याने दोन तर मोहम्मद शमीने एक विकेट घेतली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.