पुणे : गुजरात टायटन्सने लखनौ सुपर जायंटचा तब्बल 62 धावांनी पारभव करत गुणतालिकेतले आपले अव्वल स्थान पुन्हा पटकावले. लखनौसमोर ठेवलेल्या 145 धावांचा पाठलाग करताना लखनौचा संघ 82 धावात पॅव्हेलियनमध्ये परतला. गुजरातकडून फिरकीपटू राशिद खानने भेदक मारा करत 24 धावात 4 बळी घेतले. याचबरोबर त्याने टी 20 मधील आपल्या 450 विकेट देखील पूर्ण केल्या. प्रथम फलंदाजी करणाऱ्या गुजरातकडून शुभमन गिलने सर्वाधिक 63 धावा केल्या. त्याला डेव्हिड मिलर 26 आणि राहुल तेवतियाने 22 धावा करत चांगली साथ दिली. (Gujarat Titans Defeat Lucknow Super Giants Regain Top Spot In IPL 2022 Point Table)
राशिद खानने भेदक मारा करत 24 धावाच 4 बळी घेतले. त्याच्या या भेदक माऱ्यामुळे लखनौ सुपर जायंटचा संघ 82 धावात माघारी गेला.
लखनौचा निम्मा संघ माघारी गेल्यानंतर मार्कस स्टॉयनिसकडून आशा होत्या मात्र तो 2 धावांवर धावबाद झाला.
साई किशोरने आयुष बदोनीने 8 धावांवर बाद करत लखनौचा पाचवा फलंदाज माघारी धाडला.
लखनौ सुपर जायंट अडचणीत असताना अष्टपैलू क्रुणाल पांड्या झुंज देईल असे वाटत होते. मात्र राशिद खानने त्याला 5 धावांवर बाद करत लखनौला चौथा धक्का दिला.
मोहम्मद शामीने लखनौ सुपर जायंटचा कर्णधार केएल राहुलला 8 धावांवर बाद करत दुसरा धक्का दिला.
गुजरात टायटन्सचे 145 धावांचे आव्हान पार करण्यासाठी मैदानात उतरलेल्या लखनौ सुपर जायंटला यश दयालने पहिला धक्का दिला. त्याने क्विंटन डिकॉकला 11 धावांवर बाद केले.
गुजरात टायटन्सचे एका पाठोपाठ एक फलंदाज बाद होत असताना सलामीवीर शुभमन गिलने एक बाजू सावरून धरत संघाला शंभरी पार करून दिली. त्याने आपले अर्धशतक 42 चेंडूत पूर्ण केले.
गुजरातची अवस्था 3 बाद 51 अशी झाली असताना सलामीवीर शुभमन गिलने झुंजार फलंदाजी केली. मात्र त्याला साथ देणारा डेव्हिड मिलर 26 धावांची भर घालून माघारी परतला. त्याला जेसन होल्डरने बाद केले.
गुजरातचा कर्णधार हार्दिक पांड्याला आजच्या सामन्यात देखील फारशी चमक दाखवता आलेली नाही. तो आवेश खानच्या गोलंदाजीवर 11 धावांवर बाद झाला.
प्रथम फलंदाजी करणाऱ्या गुजरातला आवेश खानने दुसरा धक्का दिला. त्याने मॅथ्यू वेडला 10 धावांवर बाद केले.
मोहसीन खानने गुजरातला पहिला धक्का दिला. त्याने वृद्धीमान साहाला 5 धावांवर बाद केले.
लखनौ सुपर जायंटकडून करण शर्मा हा पदार्पण करणार आहे. तर गुजरात टायटन्सकडून साई किशोर पदार्पण करणार आहे.
गुजरात टायटन्सने नाणेफेक जिंकून प्रथम फलंदाजी करण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.