अर्जुन रावतने दमदार फलंदाजी करत 38 चेंडूत 50 धावांची खेळी केली. त्याने विराट सोबत संघाला 14 व्या षटकात शंभरी पार करून दिली.

आरसीबीचा कर्णधार फाफ ड्युप्लेसिसने अर्जुन रावत सोबत 50 धावांची सलामी दिली. मात्र जयदेव उनाडकटने 16 धावांवर बाद केले.

मुंबईचे सर्व शिलेदार पॅव्हेलियनमध्ये गेले असताना एकटा सूर्यकुमार यादव पुण्याच्या पिचवर लढला. त्याने 32 चेंडूत अर्धशतक ठोकत संघाला 130 धावांच्या पार पोहचवले.

भलत्याच फॉर्ममध्ये असलेल्या हर्षल पटेलने मुंबई इंडियन्सला अजून एक धक्का दिला. त्याने रमनदीप सिंगला 6 धावांवर बाद केले.

मुंबईची गळती सुरू झाल्यानंतर सूर्यकुमार यादव आणि कारॉन पोलार्ड डाव सावरतील असे वाटत होते. मात्र हसरंगाच्या एका जबरदस्त गुगलीने कायरॉन पोलार्डला शुन्यावर बाद केले.

मुंबईचा कर्णधार रोहित बाद झाल्यानंतर मुंबईच्या इतर फलंदाजांनी फक्त फज्जाला पाय लावून जाण्याचे कार्य केले. रोहितनंतर, डेवाल्ड ब्रेव्हिस (8), इशान किशन (26) आणि तिलक वर्मा (0) हे आल्या पावली परतले.

मुंबई इंडियन्सने पॉवर प्लेमध्ये चांगली सुरूवात करत अर्धशतकी मजल मारली. मात्र आक्रमक फलंदाजी करणाऱ्या रोहित शर्माला ( 15 चेंडूत 26 धावा) हर्षल पटेलने बाद करत मुंबईला मोठा धक्का दिला.

आरसीबीच्या फाफ ड्युप्लेसिसने नाणेफेक जिंकून प्रथम गोलंदाजी करण्याचा निर्णय घेतला.

पुणे : मुंबई इंडियन्सने आज चेन्नई सुपर किंग्जच्या हातावर हात मारला. मुंबईला यंदाच्या हंगामातील सलग चौथ्या पराभवाला सामोरे जावे लागले. रॉयल चॅलेंजर बेंगलोरने मुंबईचे 152 धावांचे आव्हान 3 फलंदाजांच्या मोबदल्यात 19 व्या षटकात पार केले. आरसीबीकडून सलामीवीर अर्जुन रावतने दमदार फलंदाजी करत 47 चेंडूत 66 धावा केल्या. त्याला विराट कोहलीने 48 धावा करून चांगली साथ दिली. तत्पूर्वी मुंबईकडून सूर्यकुमार यादव एकटा भिडला. त्याने केलेल्या 68 धावांच्या जोरावर मुंबई 151 धावांपर्यंत मजल मारू शकली.