Mumbai Indians IPL 2023 : मुंबई इंडियन्सने सालाबादप्रमाणे यंदाही आयपीएल हंगामाची पराभवाने सुरूवात केली. रॉयल चॅलेंजर बेंगलोरने त्यांचा तब्बल 8 गडी राखून पराभव केला. गेल्या हंगामात देखील मुंबई इंडियन्सची कामगिरी खराब झाली होती. यंदाच्या हंगामाची सुरूवात देखील खराब झाली. यानंतर मुंबई यंदा तरी बाऊन्स बॅक करणार का असा प्रश्न चाहत्यांच्या मनात उपस्थित झाला आहे.
यादरम्यानच मुंबई इंडियन्सने एक मोठा निर्णय घेतला. मुंबई इंडियन्सने आपल्या ताफ्यात ऑस्ट्रेलियाची धडाडणारी तोफ रिले मेरेडिथचा समावेश केला आहे. मुंबईने दुखापतग्रस्त जेह रिचर्डसनच्या ऐवजी मेरेडिथला आपल्या संघात स्थान दिले.
मुंबई इंडियन्सचा पहिला सामना हा रॉयल चॅलेंजर बेंगलोर सोबत चिन्नास्वामी स्टेडियमवर झाला. या सामन्यात मुंबई इंडियन्सने सुरूवातीला खराब फलंदाजी केली. मात्र तिलक वर्माने 46 चेंडूत 84 धावांची खेळी करत मुंबईला 171 या फायटिंग टोटलपर्यंत पोहचवले.
यानंतर मुंबई सामन्यात जोरदार पुनरागमन करेल असे वाटत होते. मात्र आरसीबीचा सलामी जोडी फाफ ड्युप्लेसिस आणि विराट कोहलीने सुरूवातीपासूनच मुंबईच्या गोलंदाजांची पिसे काढण्यास सुरूवात केली. या दोघांनी 15 षटकात 148 धावा चोपल्या. अखेर आरसीबीने सामना 16.2 षटकात 172 धावा करत 8 गडी राखून जिंकला.
विराट कोहलीने नाबाद 82 तर फाफ ड्युप्लेसिसने 73 धावांची धडाकेबाज खेळी केली. मुंबईला आरसीबीचे फक्त दोन फलंदाज बाद करता आले. ड्युप्लेसिसला अर्शद खान आणि दिनेश कार्तिकला ग्रीनने बाद केले. त्यामुळे रिले मेरेडिथच्या संघात येण्याने बुमराहच्या अनुपस्थितीत खेळणाऱ्या मुंबईची गोलंदाजी थोडी मजबूत होईल.
हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.