बीजिंग : भारताची नेमबाज मनू भाकरने नेमबाजी विश्वकरंडकात सुवर्ण पदक पटकाविले आहे. तिने 10 मी पिस्तूल प्रकारात 244.7 गुण कमावत ही कामगिरी केली. 

मनू भाकरने सुवर्ण पदक पटकावत विक्रमी कामगिरी केली आहे. नेमबाजी विश्वकरंडाकाच्या अंतिम टप्प्यातील हे भारताचे पहिले सुवर्ण पदक आहे. तसेच या सुवर्ण पदकासह तिने यापूर्वीचा विश्वविक्रम मोडला आहे. 

नेमबाजी विश्वकरंडकाच्या अंतिम टप्प्यात जिंकणारी ती भारताची केवळ दुसरी नेमबाज ठरली आहे. यापूर्वी हिना सिंधूने नेमबाजी विश्वकरंडकाच्या अंतिम टप्प्यात विजय मिळवला होता. टोकियोमध्ये होणाऱ्या ऑलिंपिक 2020साठी ती यापूर्वीच पात्र ठरली आहे.