श्रीनगर : भारताचा माजी कर्णधार महेंद्रसिंह धोनी काश्मिरमध्ये लष्करासह कार्यरत आहे. त्याने दोन महिन्यांसाठी क्रिकेटमधून ब्रेक घेतला आहे. अशातच त्याचे काश्मिर खोऱ्यातील फोटो व्हायरल झाले आहेत. स्वत:चे बूट पॉलिश करताना आणि जवानांबरोबर व्हॉलीबॉल खेळतानाचे फोटो आणि व्हिडिओ सोशल मीडियावर व्हायरल झाले आहे. 

धोनी त्याच्या बटालियनसह रहात असताना स्वत:चे बूट पॉलिश करतानाचा फोटो सोशल मीडियावर व्हायरल झाला आहे. तसेच, लष्करातील जवानांसह व्हॉलीबॉल खेळतानाचा त्याचा व्हिडिओ व्हायरल होत आहे.

धोनी ज्या बटालियनमध्ये सहभागी होऊन पहारा देत आहे, ती बटालियन विशेष सैनिकांची आहे. धोनीला येथे दिवस आणि रात्र अशा शिफ्टमध्ये काम करावे लागत आहे. यावेळी धोनी एकूण 19 किलोचे वजन घेऊन पहारा देणार आहे.