Babar Azam Pakistan vs England Test Series : रावळपिंडी कसोटीत यजमान पाकिस्तानचा 74 धावांनी मोठा पराभव झाला. आता इंग्लंडचा संघ तीन सामन्यांच्या कसोटी मालिकेत 1-0 ने आघाडीवर आहे. सपाट खेळपट्टीवर झालेल्या पराभवानंतर पाकिस्तानी चाहते आपल्या खेळाडूंबाबत निराश झाले आहेत. दरम्यान एक व्हिडीओ समोर आला आहे ज्यामध्ये एका पत्रकाराने पत्रकार परिषदेदरम्यान पाकिस्तानचा कर्णधार बाबर आझमची सर्वांसमोर व्हिडिओ दाखवत लायकी काढली.(Cricket News Marathi)

खरंतर, पाकिस्तान इंग्लंडच्या पहिल्या कसोटीनंतर बाबर आझम मीडियाशी बोलत असताना एका ज्येष्ठ पत्रकाराने त्यांना खोचक प्रश्न विचारला. त्याने विचारले, 'तुम्ही कोणत्या चेंडूवर बाद झाला ते सांगा. तुला ते कळले नाही का? म्हणजे काय झालं? कारण अशा चेंडूवर एक मोठा फलंदाज बाद झाला.

हा प्रश्न ऐकून बाबर आझमने परिपक्वता दाखवली आणि कोणतीही विशेष प्रतिक्रिया न देता शांतपणे उत्तर देत म्हणाला की, 'महाराज, हा चेंडू आहे. जर तुम्ही चुकीचे खेळाल तर तुम्ही बाद व्हाल. मी विचार करत होतो की चेंडू लांब येईल, पण तो थोडासा विकेटच्या दिशेने गेला, त्यामुळे तिथे एक अंतर निर्माण झाले.

पाकिस्तानी कर्णधार जरी आपल्या संघासाठी हा सामना जिंकू शकला नाही, परंतु त्याने पहिल्या डावात यजमानांना चांगलेच अडचणीत आणले होते. बाबरने आपल्या डावात 168 चेंडूत 19 चौकार आणि 1 षटकाराच्या मदतीने एकूण 136 धावा केल्या. त्याला विल जॅकने बाद केले. दुसऱ्या डावात बाबर अवघ्या 4 धावांवर बाद झाला आणि त्याची विकेट इंग्लिश कर्णधार बेन स्टोक्सने घेतली.