क्रिकेटचा मक्का म्हटल्या जाणाऱ्या लॉर्ड्सच्या मैदानावर भारतीय महिला क्रिकेट संघाने तीन सामन्यांच्या मालिकेतील शेवटच्या सामन्यात इंग्लंडचा 16 धावांनी पराभव करत मालिका 3-0 अशी जिंकली. महान वेगवान गोलंदाज झुलन गोस्वामीचा हा शेवटचा सामना होता. झुलनची दिवसभर चर्चा होती, मात्र सामन्याच्या शेवटी दीप्ती शर्माच्या धावबादाची चर्चा सुरू झाली.

दीप्तीच्या या कृतीमुळे इंग्लंडचे खेळाडू आणि क्रिकेट तज्ज्ञ नाराज झालेले दिसत आहेत, तर भारतीय चाहते आणि खेळाडू याला पूर्ण पाठिंबा देत आहेत. या घटनेनंतर चाहत्यांच्या मनात अनेक प्रश्न उपस्थित होतात की मंकडिंग म्हणजे काय? आणि याची सुरुवात कशी झाली. चला जाणून घेऊया.

मंकडिंग म्हणजे काय - (What Is Mankading)

क्रिकेटमध्ये मंकडींगच्या नियमाबाबत नेहमीच वाद झाले आहेत. या नियमानुसार, गोलंदाजाच्या हातातून चेंडू सुटण्यापूर्वी जेव्हा फलंदाज नॉन-स्ट्रायकरच्या टोकाला आपली क्रीज सोडतो, अशा स्थितीत गोलंदाज प्रसंगावधान राखत त्या फलंदाजाला स्टंपवरी बेल्स उडवून बाद करू शकतो असा नियम आहे.

मंकडिंग कधी सुरू झाले?

मंकडिंग वापरणारे दुसरे कोणी नाही भारतीय खेळाडू विनू मंकड होते, ज्यांच्या नावावरून हा नियम ठेवण्यात आला आहे. भारतीय खेळाडू विनू मंकड होते, ज्यांच्या नावावरून हा नियम ठेवण्यात आला आहे. हे पहिल्यांदा 1947 मध्ये वापरले गेले, जेव्हा भारतीय महान विनू मंकडने ऑस्ट्रेलियन यष्टीरक्षक बिल ब्राऊनला दुसऱ्या टोकाला बाद केले. या घटनेनंतर ऑस्ट्रेलियन मीडियाने मंकड यांच्या या धावबाद करण्याच्या पद्धतीवर प्रचंड टीका केली. मंकडिंग असे नाव दिले.