कोरोनाचा प्रभाव सध्या कमी जास्त आहे. सरकारकडून निर्बंध शिथील झाले आहेत. त्यामुळे लोकही आप्तस्वकीयांना भेटण्याचा प्लॅन करत आहेत. अनेकांनी ट्रिपला जायाच्या योजनाही बनविल्या आहेत. पण आता ऑफिसेसही सुरू झाल्याने हा प्लॅन कितपत यशस्वी होतोय, ही शंकाच आहे. म्हणूनच मग कोजागरी पौर्णिमेचे निमित्त साधून लोकं एकमेकांना भेटून पार्टी करण्याचा विचार करत आहेत. तुम्हीही असा विचार करताय का, पण आयत्यावेळी काय तयारी करायची सुचत नसेल हा घ्या प्लॅन.

काळजी आवश्यक

कोरोना अजून संपलेला नसल्याने त्यासाठी आवश्यक असलेली काळजी घेणे गरजेचे आहे. मास्क आणि सॅनिटायजरचा वापर नक्की करावा. जर सोशल डिस्टन्सिंगचे पालन करणे जमणार नसेल, तरी मास्क वापरला जाईल हे पाहावे.

हे ठेवा प्रकार-

खूप दिवसांनी तुम्ही नातेवाईकांना- मित्र-मैत्रीणींना भेटणार असल्याने गप्पा मारायच्या हा महत्वाचा उद्देश ठेवून सुटसुटीत मेन्यू ठरवावा.

त्यात मिसळ पाव, कट वडा/वडा पाव/बटाटा वडा, वडा सांबार यापेकी काहीही.

किंवा व्हेज पुलाव/ मटार भात/मसाले भात/वांगी भात यापैकी एखादा भात ठेवून टॉमेटो सार, कढीपैकी प्रकार ठेवू शकता.

भरीत, भाकरी, ठेचा, खिचडी याही पर्यायाचा विचार करता येईल.
सूप आणि सॅण्डवीच हा प्रकारही ठेवू शकता.

दूध हवेच

कोजागिरीला गरम गरम मसाले दूध पिण्याची मजा काही वेगळीच आहे. त्यामुळे मसाला दूध हवेच. पण काहींना हे दूध आवडत नाही. अशांसाठी कॉफी/मसाला चहा हे पर्याय चांगले आहेत.

कोणते गेम्स खेळा?

पत्ते, ल्युडो, चॅस, कॅरम, गाण्याच्या भेंड्या असे खेळ खेळता येऊ शकतात.