वटसावित्री पौर्णिमेकरता लागणारे साहित्य

४ हिरव्या काचेच्या बांगड्या, हळद-कुंकू, एक गळसरी (काळ्या मण्यांची पोथ), पुजेचं पांढरं हिरवं वस्त्र, सुपारी, विड्याची पाने, पैसे,अत्तर, पंचामृत, कापूर, गुळ-खोबऱ्याचा नैवेद्य, ५ फळं, सती मातेचा फोटो किंवा सुपारी, दोरा.

पुजेचा नेमका विधी कसा करावा ?

जर तुम्हाला बाहेर वडाच्या पारावर जाणं शक्य नसेल तर घरीच वडाचे छोटे रोटपे किंवा वटपौर्णिमेचा कागद लावून त्याची पूजा करावी. प्रथम सुपारीच्या गणपतीची स्थापना करावी. त्यावर हळद-कुंकू , अक्षता वाहून पूजा करावी. त्यानंतर वडाच्या मुळाची व सती मातेची याच पद्धतीने पूजा करावी. त्यानंतर सती मातेजवळ विड्याची पानं ठेवून त्यावर पैसा-सुपारी ठेवावी.

सोबतच हिरव्या काचेच्या बांगड्या, गळसरी, पुजेचं वस्त्र, पाच फळं ठेवावीत. त्यानंतर गुळ-खोबरं व पंचामृताचा नैवेद्य दाखवावा. सारं काही व्यवस्थित झाल्यावर कापूर आरती करावी. पूजा झाल्यावर स्त्रियांनी वडाला दोरा गुंडाळत सात फेऱ्या माराव्यात. नंतर सुवासिनी महिलांना कुंकू लावून त्यांच्या कपाळात गुलाल भरावा. दरम्यान, या दिवशी स्त्रियांनी पूर्ण दिवस उपवास करावा व दुसऱ्या दिवशी उपवास सोडावा.