बंगळूर : लोकसभा निवडणुकीसाठी (Karnataka Loksabha Elections) प्रदेश काँग्रेसची दुसरी यादी जाहीर झाली आहे. एकूण १७ मतदारसंघांसाठी उमेदवार जाहीर आहेत. बेळगाव लोकसभा मतदारसंघातून मंत्री लक्ष्मी हेब्बाळकर यांचे पुत्र मृणाल हेब्बाळकर, तर चिक्कोडी लोकसभा मतदारसंघातून पालकमंत्री सतीश जारकीहोळी यांची कन्या प्रियंका जारकीहोळी (Priyanka Jarkiholi) यांना उमेदवारी देण्यात आली आहे.

अद्याप चार मतदारसंघांतील उमेदवारांची नावे निश्चित झालेली नाहीत. सौम्या रेड्डी बंगळूर दक्षिण मतदारसंघातून निवडणूक लढवणार आहेत. राजीव गौडा बंगळूर उत्तरमधून निवडणूक लढवणार आहेत. काँग्रेसने (Congress) जाहीर केलेली ही तिसरी आणि प्रदेश काँग्रेसची दुसरी यादी आहे. काँग्रेसने आतापर्यंत एकूण ५७ नावांची घोषणा केली आहे.

कर्नाटक, अरुणाचल प्रदेश, गुजरात, महाराष्ट्र, राजस्थान, तेलंगण, पश्चिम बंगाल आणि पुद्दुचेरी या लोकसभा मतदारसंघांसाठी आपले उमेदवार जाहीर केले आहेत. ईश्वर खांड्रे यांचा मुलगा २६ वर्षीय सागर खांड्रे यांना बिदर मतदारसंघातून उमेदवारी देण्यात आली आहे. अशा प्रकारे ते लोकसभा निवडणुकीच्या रिंगणातील सर्वांत तरुण उमेदवारांपैकी एक आहेत. म्हैसूर मतदारसंघात काँग्रेसचे एम. लक्ष्मण हे भाजपचे यदुवीर वडियार यांच्याविरुद्ध लढणार आहेत.

मतदारसंघ व उमेदवार असे

• १. चिक्कोडी प्रियंका जारकीहोळी

• २. बेळगाव मृणाल हेब्बाळकर

• ३. बागलकोट संयुक्ता पाटील

• ४. गुलबर्गा डॉ. राधाकृष्ण दोड्डमणी

• ५. रायचूर कुमार नाईक

• ६. बिदर सागर खांड्रे

• ७. कोप्पळ राजशेखर हिटनाळ

• ८. धारवाड विनोद आसुटी

• ९. दावणगेरे प्रभावती मल्लिकार्जुन

• १०. उडुपी-चिक्कमगळूर जयप्रकाश हेगडे

• ११. मंगळूर पद्मराज

• १२. म्हैसूर-कोडगू एम. लक्ष्मण

• १३. बंगळूर उत्तर प्रा. राजीव गौडा

• १४. बंगळूर मध्य मन्सूर खान

• १५. बंगळूर दक्षिण सौम्या रेड्डी

• १६. चित्रदुर्ग बी. एन. चंद्राप्पा