राळेगणसिद्धी - नगर लोकसभेचे काँग्रेस व राष्ट्रवादी काँग्रेसचे उमेदवार संग्राम जगताप यांनी आज जेष्ठ समाजसेवक अण्णा हजारे यांची भेट घेतली. यावेळी जगताप यांनी हजारे यांच्या आशीर्वाद घेतला.

मी लोकसभेसाठी उभा आहे. म्हणून हजारे यांचा आशीर्वाद घेण्यासाठी आलो होतो. मला हजारे यांनी आशीर्वाद दिला आहे. यावेळी मी हजारे यांच्या प्रकृतीची चौकशी केली. तशेच आमची दुष्काळी परिस्थितीवर चर्चा झाल्याचे जगताप यांनी पत्रकारांशी बोलताना सांगितले. 

पिण्याच्या पाण्याची व जनावरांसाठी चारा ही सध्या मोठी समस्या आहे. त्याच बरोबर लोकपाल नियुक्ती बाबतही चर्चा झाली. उशिरा का होईना नियुक्ती झाली. यावर हजारे यांनी समाधान व्यक्त केली केले.

हजारे म्हणाले, युवा शक्ती ही राष्ट्र शक्ती आहे. तरुणच देश बदलू शकतात. तरुणांनी ठरवले तर देशाचा कायापालट होण्यासाठी वेळ लागणार नाही.