पुणे : पंतप्रधान नरेंद्र मोदींनी सुरू केलेल्या 'मैं भी चौकीदार' या मोहिमेनंतर भाजपच्या सर्व मोठ्या नेत्यांनी ट्विटर अकाऊंटवर आपल्या नावापुढे 'चौकीदार' लावले. या वरून विरोधी पक्षांनी भाजपवर जोरदार टीका केली. यात आता पुणे जिल्हा परिषदेचे सदस्य व राष्ट्रवादीचे युवानेत रोहित पवार यांनीही उडी घेतली आहे. 'तुम्ही जे आहात त्या भूमिकेतून प्रश्न विचारा' असा सल्ला रोहित पवार यांनी मोदींना फेसबुक पोस्टद्वारे दिला आहे. 

जनतेने विचारलेल्या प्रश्नाला उत्तर देता आले नाही की, हे चौकीदाराच्या भूमिकेत जातील. सत्तेत असून आता हेच चौकीदार प्रश्न विचारतील, नोटबंदीत नोटा बुडवल्या, जीएसटी लागू करून व्यवसाय बुडवले. आत्ता चौकीदारी करायची तर कशाची? असा प्रश्न त्यांना पडला असेल... या भाषेत रोहित यांनी मोदींवर टीका केली आहे. 

'विषयांतर करुन नका जे समोर आहे त्याची उत्तर द्या. आणि आपण देखील एक गोष्ट लक्षात ठेवुया आपल्या प्रश्नांची उत्तर आपण विचारत राहूया.' असे रोहित यांनी देशातील जनतेला सांगितले आहे.