कल्याण : कल्याण येथे आयोजित ठाकरे गटाच्या शिवगर्जना मेळाव्यात पदाधिकाऱ्यांनी मुख्यमंत्री एकनाथ शिंदे यांचा एकेरी उल्लेख करत शिवीगाळ केली आहे. ठाकरे गटाच्या महिला पदाधिकाऱ्यांना मुख्यमंत्र्यांना शिवीगाळ केली असून या घटनेचा व्हिडिओ सध्या सोशल मीडियावर व्हायरल झाला आहे.

अधिक माहितीनुसार, ठाकरे गटाच्या पदाधिकारी मुंबईच्या विभाग संघटक राजुल पटेल असं या महिलेचे नाव असून त्यांनी मुख्यमंत्री एकनाथ शिंदे आणि केंद्रीय मंत्री नारायण राणे यांना व्यासपीठावरून शिव्यांची लाखोली केली. तर त्यांनी शिवीगाळ केल्यानंतर कार्यकर्त्यांनी मोठ्या प्रमाणावर जल्लोष करत घोषणाबाजी केली आहे.

दरम्यान, एकनाथ शिंदे यांनी शिवसेनेशी बंडखोरी केल्यानंतर त्यांच्याविरोधात अनेकजण टीका करत आहेत. तर शिंदे यांनी शिवसेना चोरली, पक्ष चोरला, धनुष्यबाण चोरला आणि आता बाप सुद्धा चोरी करतात असं म्हणत त्यांनी पुढे बोलताना अपशब्द वापरले आहेत. त्यामुळे आता नव्या वादाला तोंड फुटण्याची शक्यता आहे.