अथणी - अथणी-कोटलगी रस्त्यावर आठहळ्ळी-कोहळी या दोन्ही गावाच्या दरम्यान बस (केए 23, टी 570) आणि क्‍लूझर यांच्यात जोरदार धडक होवून क्‍लूझरमधील पाच जण ठार तर दहाजण जखमी झाल्याची घटना शनिवारी रात्री 9 वाजता घडली. अपघातामध्ये क्‍लूझरचा चक्काचूर झाला आहे. अपघातामधील मृत ककमरीचे आहेत. 

याबाबत समजलेली माहिती अशी की अथणी-बनूर मुक्काम जाणाऱ्या बसला आठहळ्ळी कोहळी या गावांच्या दरम्यान सरकारी शाळेजवळ हा अपघात झाला. या अपघातामध्ये चालक अण्णाप्पा जाधव (वय 45), पत्नी अर्चना जाधव (39), राधव्वा जाधव (55), रवी जाधव (12) गौरव्वा मोठी (75) हे ठार झाले आहेत. हे सर्वजण औरखोड (ता. अथणी) येथे नातेवाईकाच्या अंत्यसंस्कार गेले होते.

मृत सर्व एकाच कुटुंबातील आहेत. अपघातामध्ये एका कुटुंबाचा संसार काळाने घाला केला. जखमींना अथणी शासकीय दवाखान्यात उपचारास दाखल केले आहे. तर अपघातमधील गंभीर जखमींना मिरज येथे उपचारास पाठवले आहे. जखमी पुंडलिक संगमेश जाधव (वय 45), संगमेश पुणणी (वय 31), कस्तुरी सदाशिव जनगोंड (वय 38) यांना अथणी शासकीय दवाखान्यात उपचार सुरू आहेत.