पुणे: छत्रपती शिवाजी महाराज यांच्या जन्मस्थळावरुन प्रसाद लाड यांनी वादग्रस्त विधान केलं आहे. त्यावरुन राज्यभर संताप व्यक्त होतोय. राष्ट्रवादी काँग्रेसच्या कार्यकर्त्यांनी लाड यांना महाराष्ट्रात न फिरु देण्याचा इशारा दिलाय.

प्रसाद लाड, तुम्ही तुमच्या लायकीत राहा, महाराष्ट्रात फिरताना राष्ट्रवादीचे कार्यकर्ते तुम्हाला काळे फासल्याशिवाय राहणार नाहीत, असा इशारा राष्ट्रवादी काँग्रेसच्या वतीने देण्यात आलेला आहे.

भाजप नेत्यांकडून गेल्या एक महिन्यापासून छत्रपती शिवाजी महाराज यांचा अवमान करणे, महाराजांचा चुकीचं इतिहास दाखवणे, त्यांचा एकेरी उलेख करणे अशी विधाने केली जात आहेत. त्यावरुन आज पुण्यात राष्ट्रवादीने निषेध नोंदवला.

हेही वाचाः Relax bro! चला फ्रेश होऊया, सांगतायंत फिटनेस Expert सर्वेश शशी

प्रसाद लाड यांना लाज वाटली पाहिजे, तुम्ही तर महाराष्ट्रद्रोही आहात, असा घणाघात राष्ट्रवादी काँग्रेस पक्षाचे शहराध्यक्ष प्रशांत जगताप यांनी केला.

भाजपचे आमदार प्रसाद लाड यांनी कोकण महोत्सवाच्या कार्यक्रमात छत्रपती शिवाजी महाराज यांचा जन्म कोकणात झाला आहे, असे विधान केले होते.