धक्कादायक! पाणी समजून प्यायले ऍसिड; तीन वर्षीय बालक दगावले
सोलापूर : विजयादशीमचा दिवस...तीन वर्षांचा संजय आईसोबत मटण आणण्यासाठी मटण दुकानात गेला...तिथे तहान लागली म्हणून सुरजने बाटली उचचली आणि तोंडाला लावली...पाणी समजून त्याने ऍसिड प्यायले..! यात जखमी संजयचा बुधवारी उपचारादरम्यान मृत्यू झाला.
संजय लुकेश कुचेकर (वय 3, रा. अलकुंटे चौक, सोलापूर) असे मृत मुलाचे नाव आहे. मंगळवारी दुपारी एकच्या सुमारास संजय हा आईसोबत शास्त्रीनगर येथील मटन दुकानात मटन आणण्यासाठी गेला होता. त्यावेळी तहान लागली म्हणून सुरजने दुकानात ठेवलेली बाटली उचलली. पाणी समजून त्याने बाटलीतील ऍसिड पिले. त्यानंतर त्याला त्रास होऊ लागल्याने आई रडतच घरी आली. शेजारी राहणाऱ्या मनोज साखरे यांनी सुरजला शासकीय रुग्णालयात दाखल केले. उपचार सुरु असताना बुधवारी दुपारी संजयचा मृत्यू झाला.
संजयचे वडील लुकेश हे बिगारी काम करतात. तीन वर्षांच्या बाळाच्या मृत्यूनंतर कुचेकर परिवारावर दु:खाचा डोंगर कोसळला आहे. विजयादशमीच्या उत्साहात ही दुर्दैवी घटना घडल्यानंतर परिसरात हळहळ व्यक्त होत आहे. या घटनेची नोंद सदर बझार पोलिसात झाली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.