Nick Jonas: देसी गर्ल प्रियांका चोप्राचा पती निक जोनासची तब्येत बिघडली; व्हिडीओ शेअर करत म्हणाला...

Nick Jonas: बॉलिवूडची देसी गर्ल प्रियांका चोप्राचा (priyanka chopra) पती आणि गायक निक जोनास (Nick Jonas) सध्या चर्चेत आहे.निकची तब्येत बिघडली आहे. त्यामुळे निकला त्याचं कॉन्सर्ट पुढे ढकलावं लागलं. नुकताच निकनं एक व्हिडीओ सोशल मीडियावर शेअर केला आहे. या व्हिडीओच्या माध्यमातून निकनं चाहत्यांना सांगितलं की, त्याला influenza-A चा संसर्ग झाला आहे.

निकनं शेअर केला व्हिडीओ

निक जोनासने इंस्टाग्रामवर एक व्हिडिओ शेअर केला आहे. या व्हिडीओमध्ये निक हा कॉन्सर्ट पुढे ढकलल्याबद्दल चाहत्यांची माफी मागताना दिसत आहे. जोनास ब्रदर्सचे कॉन्सर्ट टूर पुढे ढकलण्याामागचे कारण निकनं व्हिडीओच्या माध्यमातून सांगितलं. निकनं सांगितलं की, त्याला इन्फ्लूएंझा ए व्हायरसची लागण झाली आहे.

निक जोनासने व्हिडिओमध्ये सांगितलं, "मी निक आहे, मी एक बातमी तुमच्यासोबत शेअर करत आहे, जी मजेदार नाही पण सांगणे महत्त्वाचे आहे. काही दिवसांपूर्वी मला खूप अस्वस्थ वाटू लागले होते. मला बोलता येत नव्हते. गेल्या दोन-अडीच दिवसांत माझी प्रकृती खराब झाली आहे. मी काल दिवसभर अंथरुणावर पडून होतो. ताप, अंगदुखी, घसा खवखवत आहे, तसेच खूप खोकला येत आहे."

निकनं व्हिडीओला कॅप्शन दिलं, "नमस्कार मित्रांनो. मला इन्फ्लूएन्झा-एचा स्ट्रेन झाला आहे, जो सर्वत्र पसरत आहे. मी सध्या कोणत्याही कॉन्सर्टमध्ये गाऊ शकत नाही. म्हणूनच मी मेक्सिको कॉन्सर्टची तारीख पुढे ढकलली आहे. आता हा शो ऑगस्टमध्ये होणार आहे. हा शो आता ऑगस्टमध्ये रि-शेड्युल करण्यात आला आहे."

पाहा व्हिडीओ:

निकनं शेअर केलेल्या व्हिडीओला कमेंट करुन नेटकऱ्यांनी त्याच्या तब्येतीबाबत चिंता व्यक्त केली आहे. निक जोनासच्या कॉन्सर्टची तारीख पुढे ढकलण्यात आली आहे. आता 21 आणि 22 ऑगस्टला त्याचे कॉन्सर्ट होणार आहे.जोनास ब्रदर्सचे कॉन्सर्ट्स आयर्लंडमध्ये आयोजित केला जाईल, त्यानंतर निक सप्टेंबरमध्ये यूके, ऑस्ट्रिया, जर्मनी, स्पेन, इटली आणि स्वित्झर्लंडमध्ये निक आणि त्याचे भाऊ परफॉर्म करतील.