मुंबई : भाजप-शिवसेना युतीला सत्तेतून खाली खेचण्यासाठी शरद पवारांना शतायुषी व्हावं लागेल, अशी खोचक टीका मुख्यमंत्री देवेंद्र फडणवीस यांनी केली आहे.

विधानसभा निवडणुकीनिमित्त मुख्यमंत्री फडणवीस यांनी साम वाहिनीला मुलाखत दिली. ही मुलाखत आज (सोमवार) सकाळी साडेनऊ वाजता प्रसारित होणार आहे. या मुलाखतीत मुख्यमंत्र्यांनी विविध प्रश्नांना सडेतोड उत्तरे दिली. 

मुख्यमंत्री म्हणाले, की मोदी आमचे वस्ताद असून, आम्ही त्यांचे चेले आहोत. मैदान कसं मारायचं हे आम्हाला उत्तम कळते. दहा रुपयात थाळी संदर्भात उद्धव ठाकरे यांनी आपल्याशी चर्चा केली नाही. पाच रुपयांत थाळीचं भाजपचे कोणतेही आश्वासन नाही. बंडखोराविरोधात भाजपाने युतीचा धर्म पाळला सेनेनेही तो पाळावा. राणेंना शिवसेनेशी वाद पुरे झाला हाच मी सल्ला दिला. राणेना भाजप प्रवेश देतोय, मात्र त्यांना भाजप संस्कृतीत राहवं लागेल वागावं लागेल.